រាជធានីភ្នំពេញ៖ បុរសម្នាក់ដើររើសអេតចាយមិនសូវបានលុយបែកគំនិតឡើងរបងផ្ទះប្រជាពលរដ្ឋចូលទៅលួចយកកាបូបលុយត្រូវបានម្ចាស់គេដឹងទាន់ ហេតុការណ៍នេះកើតឡើងនៅតាមបណ្ដោយផ្លូវម៉ៅសេទុងស្ថិតនៅក្នុងសង្កាតមិត្តភាពខណ្ឌ ០៧ មករា នាវេលាម៉ោង២យប់ ត្រូវនិងថ្ងៃទី២៣ ខែកក្ដដា ឆ្នាំ២០២៤ ។

យោងតាមប្រភពព័ត៌មានពីជនរងគ្រោះបានឲ្យដឹងថាមុនពេលកើតហេតុគាត់បានសម្រាកនៅលើផ្ទះដាក់កាបូបលុយរួមទាំងទូរសព្ទដៃនៅក្បែរខ្លួន បន្ទាប់មកស្រាប់តែលេចមុខជនសង្ស័យឡើងរបងផ្ទះចូលមកលួចកាបូបរបស់គាត់ ក៏បណ្ដាលឲ្យជនរងគ្រោះភ្ញាក់ស្រែកអោយគេជួយដេញចាប់ចោរនោះមកវិញ ភ្លាមៗប្រជាពលរដ្ឋរួមទាំងជនរងគ្រោះរត់នាំគ្នាដេញចាប់បានចោរនោះប្រគល់ជូនសមត្ថកិច្ចតែម្ដង។

នៅក្រៅពីកើតហេតុសមត្ថកិច្ចក៏បានមកដល់បានធ្វើការឃាត់ខ្លួនជនសង្ស័យខាងលើនោះយកទៅប៉ុស្តិ៍ដើម្បីធ្វើការសាកសួរឲ្យមកធ្វើតាមនីតិវិធីច្បាប់៕