នៅថ្ងៃទី០២ ខែធ្នូ ឆ្នាំ២០២៤ វេលាម៉ោង០១:០០នាទីយប់ មានករណីហិ ..;ង្សានៅចំណុចក្លឹប នឹកEX2 ស្ថិតនៅសង្កាត់ទន្លេបាសាក់ ខណ្ឌចំការមន រវាងភ្ញៀវ និងសន្តិសុខ។ បន្ទាប់ពីកើតហេតុ កម្លាំងប៉ុស្តិ៍នគរបាលរដ្ឋបាលទន្លេបាសាក់ បានធ្វើការកោះហៅភាគីសងខាងមកធ្វើការសាកសួរ។ ចំពោះសន្តិសុខយាមក្លឹប នឹកEX2 ដែលភាគីខាងភ្ញៀវអះអាងថាជាសមត្ថកិច្ច គឺគាត់មិនមែនជាសមត្ថកិច្ចនោះទេ ពាក់ព័ន្ធរូបភាពសន្តិសុខរូបនោះធ្លាប់បង្ហោះរូបភាពពាក់ស្រោមកាតមានឡូហ្គោរូបសឹង្ហសង្ហារនៅក្នុងហ្វេសប៊ុក គឺជារូបភាពចាស់ ទើបធ្វើឱ្យមានការយល់ច្រឡំថាជាសមត្ថកិច្ច។

បន្ទាប់ពីសាកសួររួច ភាគីទាំងសងខាងបានស្នើសុំសមត្ថកិច្ចធ្វើការសម្របសម្រួលបញ្ចប់រឿងដោយពុំមានធ្វើប្តឹងផ្តល់អ្វីទៀត ទើបសមត្ថកិច្ចបានធ្វើការអប់រំភាគីខាងសន្តិសុខ ធ្វើកិច្ចសន្យា និងបានឱ្យក្រុមគ្រួសារមកធ្វើការធានា ទើបអនុញ្ញាតឱ្យត្រឡប់ទៅផ្ទះវិញ៕