បាត់ដំបង៖ នៅថ្ងៃទី២៧ ខែមករា ឆ្នាំ២០២៥ វេលាម៉ោង១៤និង០០នាទី នៅចំណុចក្រុមទី០៤ ភូមិក្រពើត្បូង ឃុំភ្នំសំពៅ ស្រុកបាណន់ ខេត្តបាត់ដំបង មានករណីឆក់ចរន្តអគ្គិសនីបណ្ដាលឲ្យមនុស្សស្លាប់ម្នាក់ ។ លោកវរសេនីយ៍ទោ ហេង បារាំង អធិការនគរបាលស្រុកបាណន់ បានចាត់ឱ្យកម្លាំងជំនាញចុះទៅដល់កន្លែងកើតហេតុដើម្បីពិនិត្យ និងកំណត់ ករណីឆក់ចរន្តអគ្គីសនីបណ្ដាលអោយ ជនរងគ្រោះឈ្មោះ ហ៊ាញ ហាក់ ភេទប្រុស អាយុ ៣៧ឆ្នាំ រស់នៅភូមិក្រពើត្បូង ឃុំភ្នំសំពៅ ស្រុកបាណន់ ខេត្តបាត់ដំបង មុខរបរកម្មករ ។ តាមបំភ្លឺរបស់ក្រុមគ្រួសារបានអោយដឹងថា នៅពេលជនរងគ្រោះធ្វើរោងដែក ហើយបានលើកដែកឡើងលើដំបូល ក៏ស្រូបខ្សែរភ្លើងខាងលើរោងដែកបណ្ដាលអោយឆក់ ធ្លាក់ពីលើដំបូលមកលើសាបផ្កាប់មុខ រួចត្រូវបានសាច់ញាតិដឹកយកទៅសង្រ្គោះនៅមណ្ឌលសុខភាពឃុំភ្នំសំពៅ ហើយបានស្លាប់ពេលកំពុងសង្គ្រោះនៅមណ្ឌលសុខភាព ។
ក្រោយពីពិនិត្យទីកន្លែងហេតុ និងសាកសព ព្រមទាំងសាកសួរបំភ្លឺសាក្សីជុំវិញកន្លែងកើតហេតុ ក្រុមការងារបានធ្វើការសន្និដ្ឋានបានថាសពឈ្មោះ ហ៊ាញ ហាក់ ភេទប្រុស នេះពិតជាស្លាប់ដោយសារឆក់ចរន្តអគ្គីសនី ធ្លាក់ពីលើដំបូលមកលើសាបផ្កាប់មុខ ពិតប្រាកដមែន ។
បច្ចុប្បន្ន សាកសពជនរងគ្រោះត្រូវបានប្រគល់ជូនទៅឲ្យក្រុមគ្រួសារដើម្បីយកទៅធ្វើបុណ្យតាមប្រពៃណី៕
