នៅថ្ងៃទី០៧ ខែកុម្ភ: ឆ្នាំ២០២៥ កម្លាំងផ្នែកជំនាញ នៃអធិការដ្ឋាននគរបាលខណ្ឌទួលគោក បានធ្វើការស្រាវជ្រាវឃាត់ខ្លួនក្មេងទំនើងម្នាក់ ក្នុងចំណោម០៣នាក់ ពាក់ព័ន្ធករណីហិ..;ង្សា នៅចំណុចលើដងផ្លូវបេតុង បូរីមនោរម្យ ភូមិកន្ទោកខាងជើង សង្កាត់កន្ទោក ខណ្ឌកំបូល ប្រព្រឹត្តបទល្មើសនៅចំណុចមុខផ្ទះលេខ០១ ផ្លូវលេខ២២៣ សង្កាត់ផ្សារដើមគរ ខណ្ឌទួលគោក កាលពីយប់ថ្ងៃទី០៥ ខែកុម្ភ: ឆ្នាំ២០២៥។

ជនសង្ស័យ:ឈ្មោះ គង់ មុន្នី ភេទប្រុស ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះជួលមិនចាំលេខ ផ្លូវបេតុង ភូមិថ្មគោល២ សង្កាត់ចោមចៅទី២ ខណ្ឌពោធិ៍សែនជ័យ។

បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីធ្វើការសាកសួរនិងចាត់ការបន្តតាមនីតិវិធី៕