បើករថយន្តទៅស្រោចទឹកផ្តាច់គ្រោះលើករាសី មកតាមផ្លូវភ្លើងឆេះខ្ទេច!
រាជធានីភ្នំពេញ ៖ នារីម្នាក់ បើករថយន្តបំណងទៅស្រោចទឹកផ្តាច់គ្រោះលើករាសី មកតាមផ្លូវស្រាប់តែត្រូវអគ្គិភ័យឆេះលេបត្របាក់រថយន្តអស់ទាំងស្រុង ។
ហេតុការណ៍នេះបានកើតឡើងកាលពីវេលាម៉ោង ១និង៥០នាទីរសៀល ថ្ងៃទី០៦ ខែមេសា ឆ្នាំ២០២៥ នៅសង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ។
ក្រោយពីទទួលបានដំណឹងនេះភ្លាម កម្លាំងសមត្ថកិច្ចជំនាញបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានចេញរថយន្តពន្លត់អគ្គិភ័យទៅជួយអន្តរាគមន៍ផងដែរ តែគួរឲ្យស្តាយរថយន្តខាងលើ ត្រូវអគ្គិភ័យឆេះគ្មានសល់អស់ទៅហើយ នៅតែគ្រោងឆ្អឹងតែប៉ុណ្ណោះ ៕
