ខេត្តបាត់ដំបង ៖ ម្នាក់ទៀតហើយ កាលពី២ថ្ងៃមុនមានករណី ២នាក់ប្តីប្រពន្ធ ត្រូវបានដើមសំរ៉ងរលំសង្កត់ស្លាប់ទាំង២នាក់ ខណៈកំពុងកាប់ដើមដើម្បីប្រមូលផ្លែ នៅក្នុងតំបន់ព្រៃ ក្នុងភូមិសាស្រ្តស្រុកបូទុមសាគរខេត្តកោះកុង វេលាម៉ោង ៧និង៥២នាទី ថ្ងៃទី២២ ខែមេសា ឆ្នាំ២០២៥។
ដោយឡែកនៅនៅវេលាម៉ោងប្រហែល ៩ព្រឹក ថ្ងៃទី២៣ ខែមេសាឆ្នាំ២០២៥ ស្ថិតនៅចំណុចភ្នំតាង៉ែត ភូមិស្រែអណ្ដូង ឃុំសំឡូត ស្រុកសំឡូត ខេត្តបាត់ដំបង ឯណោះវិញ បុរសម្នាក់ត្រូវបានដើមសំរ៉ង រលំសង្កត់ស្លាប់ដូចគ្នា ត្រូវបានគេសន្និដ្ឋានថា ជនរងគ្រោះបានកាប់មែក ឬកាប់រំលំដើមសំរ៉ងនោះ ទើបសង្កត់ខ្លួនឯងស្លាប់បែបនេះ។
ក្រោយកើតហេតុ សាកសពជនរងគ្រោះ ត្រូវបានកម្លាំងវរនគរបាលការពារព្រំដែនគោកលេខ ៨២៣ និងសាច់ញាតិ បាននាំគ្នាចូលទៅកន្លែងកើតហេតុ ដើម្បីជួយសែងចេញពីក្នុងព្រៃ នាំយកមកផ្ទះ ដើម្បីធ្វើបុណ្យតាមប្រពៃណី ៕
