ខេត្តកំពង់ចាម ៖ ផ្ទះមួយខ្នងត្រូវបានអគ្គីភ័យឆាបឆេះយ៉ាងសន្ធោសន្ធៅ ខ្ទេចអស់គ្មានសល់ត្រឹមតែប៉ុន្មាននាទី ផ្តាច់ជីវិតលោកយាយម្នាក់ ដែល ខ្វិនជើងដើរមិនរួចយ៉ាងអាណោចអាធ័មបំផុត ។
ហេតុការណ៍នេះបានកើតឡើងកាលពីវេលាម៉ោង ១១និង២០នាទីព្រឹក ថ្ងៃទី២៥ ខែមេសា ឆ្នាំ២០២៥ នៅឃុំស្វាយទាប ស្រុកចំការលើ ខេត្តកំពង់ចាម ។
សមត្ថកិច្ចបានឲ្យដឹងថា អគ្គីភ័យបានឆាបឆេះ ផ្ទះមួយខ្នង ដែលមានម្ចាស់ផ្ទះឈ្មោះជា សុខុន ភេទស្រី អាយុ ៦២ឆ្នាំ នៅចំណុចភូមិថ្នល់បត់ ឃុំស្វាយទាប ស្រុកចំការលើ ផ្ទះមានទំហំ៦ម៉ែត្រ x១២ម៉ែត្រ សង់អំពីឈឺប្រក់ក្បឿង ជញ្ជាំងក្តារ បណ្តាលឲ្យផ្ទះអស់ទាំងស្រង់ និងសម្ភារៈមួយចំនួន ក្នុងហេតុការណ៍នេះ ក៏បានបណ្ដាលឲ្យស្លាប់លោកយាយម្នាក់ឈ្មោះ ហម ស៊ន់ អាយុ៨៩ឆ្នាំ ខ្វិនជើងដើរមិនរួច ត្រូវជាម្ដាយម្ចាស់ផ្ទះយ៉ាងអាណោចអាធ័មផងដែរ ។ខណៈមូលហេតុ សមត្ថកិច្ចបញ្ជាក់ថា បណ្តាលមកពីការ ឆ្លងចរន្តអគ្គីសនី រហូតរលត់ទៅវិញ នៅវេលាម៉ោង១១និង ៤០នាទី ថ្ងៃដដែល ដោយប្រើប្រើប្រាស់ រថយន្តអគ្គីភ័យរបស់អធិការដ្ឋានស្រុកចំការលើ០១គ្រឿងអស់ទឹក០២ឡាន ។ សូមចូលរួមរំលែកទុក្ខផង ៕
