តោខៀវ Chelsea បន្តកំណត់ត្រាមិនទាន់ចាញ់ ១០ប្រកួតជាប់គ្នា ក្រោមការដឹកនាំរបស់គ្រូបង្វឹកលោក Tuchel ដោយទើបតែយកឈ្នះ Liverpool ១-០។ មួយគ្រាប់ជ័យជំនះនេះ ធ្វើបានដោយកីឡាករវ័យក្មេង Mason Mount នៅជិតចប់វគ្គទី ១ ពោលគឹនៅនាទី ៤២។

បរាជ័យនេះ ធ្វើអោយ Liverpool បង្កើតកំណត់ត្រាដ៏អាក្រក់មួយដែលមិនធ្លាប់មាន នោះគឺការបរាជ័យ ៥ប្រកួតជាប់គ្នា នៅក្នុងទឹកដី Anfield និងឈរនៅចំណាត់ថ្នាក់ទី៧ មានតែ ៤៣ពិន្ទុប៉ុណ្ណោះ។

ផ្ទុយមកវិញក្រុមតោខៀវ Chelsea ចាប់តាំងពីបណ្តេញលោក Lampard ចេញគឺមិនទាន់ស្គាល់ពាក្យថាចាញ់នោះទេ អ្វីដែលពិសេសនោះគឺ ហក់ឡើងមកឈរលេខ ៤ ដោយមាន ៤៧ពិន្ទុ តាមពីក្រោយដោយក្រុម Everton មាន ៤៦ពិន្ទុ៕