ប្រទេសថៃ៖​​ សារព័ត៌មាន Bangkok Post បានចេញផ្សាយនៅថ្ងៃទី១១ ខែមិថុនា ឆ្នាំ២០២១ បានឲ្យដឹងថា ថ្នាំមេតំហ្វេតាមីនគ្រីស្តាល់​ មានតម្លៃប្រមាណ​១៣៥លានបាត​ ត្រូវបានរឹបអូសនៅឯរមណីយដ្ឋានមួយក្នុងស្រុកមឿង ហើយជនសង្ស័យ​៤​នាក់ទៀតត្រូវបានចាប់ខ្លួន។

លោកវរសេនីយ៍ឯក Phaholt Ketkaew អនុប្រធានផ្នែកប៉ូលិសល្បាតព្រំដែន បានថ្លែងនៅក្នុងសន្និសីទសារព័ត៌មានមួយ នៅថ្ងៃព្រហស្បតិ៍ថា​ការចាប់ខ្លួនបានធ្វើឡើងបន្ទាប់ពីមានព័ត៌មានអំពីការចែកចាយគ្រឿងញៀនពីខេត្តឈុនបូរី ទៅកាន់​​ស្រុកតាកៃ នៃខេត្ត ណារ៉ាធីវ៉ាត់(Narathiwat)។

ប៉ូលិសល្បាតព្រំដែនបានឆ្មក់ចូលបន្ទប់មួយនៅឯរមណីយដ្ឋាន Kaoseng ក្នុងតំបន់ Khao Roopchang ក្នុងស្រុក មឿង(Muang) នៃខេត្ត Songkhla កាលពីរសៀលថ្ងៃអង្គារ បន្ទាប់ពីមានរបាយការណ៍ថា សមាជិកនៃក្រុមក្មេងទំនើងបានចូលទៅទីនោះ។

ក្នុងការវាយឆ្នក់ចូលនេះ ប៉ុលិសបានរកឃើញបាវជាច្រើនដែលមានផ្ទុកមេតំហ្វេតាមីនទម្ងន់​១៣៥ គីឡូក្រាម ដែលមានតម្លៃប្រហែល ១៣៥ លានបាត។

ក្រោយមកមន្រ្តីប៉ូលិស បានតាមចាប់ខ្លួនជនសង្ស័យចំនួន​៤ នាក់ហើយបានចាប់ខ្លួនពួកគេនៅខេត្តសុងក្លានិងខេត្ត Nakhon Si Thammarat​។ ​​ពួកគេទាំង​៤​នាក់ត្រូវបានឃុំខ្លួន​ ដើម្បីចាត់ការតាមផ្លូវច្បាប់​៕ 

ប្រភព៖ Bangkok Post ប្រែសម្រួល៖ នង ណារិន