អន្តរជាតិ៖   សារព័ត៌មាន Bangkokpost  បានចេញផ្សាយនៅថ្ងៃទី ១៦ ខែមិថុនា ឆ្នាំ២០២១ បានឲ្យដឹងថា អាជ្ញាធរឥណ្ឌូនេស៊ី បានព្រមានអំពីការរញ្ជួយនិងរលកយក្សស៊ូណាមិ ដែលអាចកើតមាន បន្ទាប់ពីការរញ្ជួយដីកម្រិត ៦.១ រិចទ័រ បានវាយប្រហារកោះ Maluku ដែលជាតំបន់ផលិតនីកែលសំខាន់។

ទីភ្នាក់ងារឧតុនិយម បាននិយាយនៅក្នុងសេចក្តីថ្លែងការណ៍មួយកាលពីថ្ងៃពុធថា អ្នកដែលរស់នៅតាមបណ្តោយឆ្នេរ Japutih និង Apiahu នៅលើកោះ Seram កោះMaluku គួរតែមានការប្រុងប្រយ័ត្នខ្ពស់។ អ្នកស្រុកត្រូវបានគេប្រាប់ឱ្យផ្លាស់ទៅឆ្ងាយពីច្រាំងសមុទ្រ ឆ្ពោះទៅកន្លែងខ្ពស់។

Seram គឺជាកោះមួយក្នុងចំណោមកោះធំបំផុតនៅក្នុងខេត្ត។ កោះMaluku គឺជាកន្លែងនៃរ៉ែធ្យូងថ្ម និងរោងស្មិតដ៏ធំក៏ដូចជាគម្រោងសំយោគទង់ដែង ដែលមានទឹកប្រាក់រាប់ពាន់លានដុល្លារ ដែលគ្រោងទុកដោយក្រុមហ៊ុន PT Freeport ឥណ្ឌូនេស៊ីនិងក្រុមហ៊ុនចិន Tsingshan Holding Group ។

ប្រទេសឥណ្ឌូនេស៊ីដែលសំបូរទៅដោយធនធានដែលជាកន្លែងស្តុករ៉ែនីកែលមួយភាគបួនរបស់ពិភពលោក នៅតាមតំបន់«ភ្នំភ្លើង» នៃមហាសមុទ្រប៉ាស៊ីហ្វ្រិក ដែលធ្វើឱ្យវាងាយនឹងមានការរញ្ជួយដី។ ការរញ្ជួយដីដែលមានកម្លាំង ៦.១ រ៉ិចទ័រ ត្រូវបានគេរកឃើញនៅជម្រៅ ១០ គីឡូម៉ែត្រពីឆ្នេរសមុទ្រកោះ Seram ហើយត្រូវបានបន្តដោយការរញ្ជួយយ៉ាងហោចណាស់ ១៣ ដង ។

វីដេអូឃ្លីបដែលចែកចាយដោយទីភ្នាក់ងារស្វែងរកនិងជួយសង្គ្រោះ បង្ហាញពីកម្រិតទឹកសមុទ្រធ្លាក់នៅកំពង់ផែមួយនៅលើកោះSeramហើយអ្នកស្រុកប្រញាប់ប្រញាលតាមដងផ្លូវ asphalt ដើម្បីទៅដល់សុវត្ថិភាព៕

ប្រភព៖ Bangkokpost ប្រែសម្រួល៖ នង​ ណារិន