អន្តរជាតិ៖ សារព័ត៌មាន Bangkokpost បានចេញផ្សាយនៅថ្ងៃទី២២ ខែមិថុនា ឆ្នាំ២០២១ បានឲ្យដឹងថា ប្រធានាធិបតីហ្វីលីពីន លោក រ៉ូឌ្រីហ្គោ ឌូទើតេ បានគំរាម ថា នឹងចាប់ដាក់គុកអ្នកដែលមិនព្រមចាក់វ៉ាក់សាំង Covid-19 ខណៈដែលប្រទេសនេះបង្កើនការការពារដើម្បីទប់ស្កាត់ការរីករាលដាលនៃវ៉ារ៉្យង់ Delta ដែលមានការរីករាលដាលខ្លាំង។

លោក Duterte បានថ្លែងកាលពីចុងសប្តាហ៍មុនថា «ប្រសិនបើអ្នកជានរណាម្នាក់ ដែលមិនព្រមចាក់វ៉ាក់សាំង ខ្ញុំត្រូវតែចាប់អ្នកនោះដាក់គុក»។ លោកបានមានប្រសាសន៍ថា មេដឹកនាំនៅក្នុងភូមិ គួរតែរក្សាបញ្ជីឈ្មោះអ្នកដែលបដិសេធមិនទទួលការចាក់វ៉ាងសាំង។

ប្រសិនបើត្រូវបានអនុវត្តការគំរាមកំហែងរបស់លោក Duterte អាចស្ថិតក្នុងចំណោមវិធានការណ៍តឹងរ៉ឹងបំផុត ដើម្បីជំរុញភាពអសកម្មនៅក្នុងប្រទេស ដែលភាគច្រើនមិនប្រាកដក្នុងចិត្តឬបដិសេធចាក់វ៉ាក់សាំង។ ប្រទេសឥណ្ឌូនេស៊ីកាលពីដើមឆ្នាំនេះ បានផ្លាស់ប្តូរការដាក់ទណ្ឌកម្មលើអ្នកដែលបដិសេធការចាក់ថ្នាំបង្ការ ជាមួយនឹងការពិន័យ ។

លោក Duterte មានប្រសាសន៍ថា«រលកទី១ ពិតជាបានបំផ្លាញធនធានរបស់រដ្ឋាភិបាល។ ប្រទេសមួយទៀតនឹងជួបគ្រោះមហន្តរាយសម្រាប់ប្រទេសនេះ។ នោះហើយជាមូលហេតុដែលអ្នកតឹងរឹងជាងមុន»។

ប្រធានរដ្ឋបាលចំណីអាហារនិងឪសថហ្វីលីពីន លោក Eric Domingo បាននិយាយថា ទន្ទឹមនឹងនេះដែរ វិទ្យាស្ថាន Gamaleya របស់ប្រទេសរុស្ស៊ី កំពុងស្វែងរកការពិនិត្យឡើងវិញ នូវការអនុញ្ញាតឱ្យប្រើប្រាស់ជាបន្ទាន់ ដែលផ្តល់វ៉ាក់សាំង Sputnik V ដើម្បីឱ្យមានចន្លោះពេលយូរជាងរវាងដូសទាំងពីរ។ លោកបាននិយាយថា វិទ្យាស្ថាន Gamaleya ក៏អាចចុះឈ្មោះ Sputnik ជាវ៉ាក់សាំងតែមួយដង។

ក្រុមហ៊ុន Novavax Inc ក៏បានបញ្ជូនទិន្នន័យដំបូង សម្រាប់ការចាក់វ៉ាក់សាំង Covid-19 របស់ខ្លួនសម្រាប់ការប្រើប្រាស់ជាបន្ទាន់ផងដែរ៕

ប្រភព៖ Bangkokpost ប្រែសម្រួល៖ នង ណារិន