អន្តរជាតិ៖ ក្រសួងសុខាភិបាលថៃ បានរាយការណ៍ នៅព្រឹកថ្ងៃសុក្រនេះថា មានអ្នកស្លាប់ដោយសារជំងឺកូវីដ ១៩ ថ្មី ចំនួន ១៩១ នាក់ និងករណីថ្មីចំនួន ២១.៣៧៩ ករណី ក្នុងរយៈពេល ២៤ ម៉ោងចុងក្រោយនេះ។ ដោយមានករណីចំនួន ២០.៨៩៥ នៅក្នុងប្រជាជនទូទៅ និង ៤៨៤ នាក់ក្នុងចំណោមអ្នកទោសក្នុងពន្ធនាគារ ក្នុងនោះ អ្នកជាសះស្បើយចំនួន ២២.១៧២ នាក់ ។

ក្នុងនោះកាលពីម្សិលមិញ ករណីខ្ពស់ប្រចាំថ្ងៃនៃករណី ឆ្លងCovid-19 មានចំនួន ២០.៩២០នាក់ នៅថ្ងៃព្រហស្បតិ៍ ហើយចំនួនខ្ពស់បំផុតនៃការស្លាប់ប្រចាំថ្ងៃថ្មីចំនួន១៨៨នាក់ ។

គួរបញ្ជាក់ថា ចាប់តាំងពីជំងឺរាតត្បាត ប្រទេសថៃមានករណីសរុប ចំនួន ៧១៤.៦៨៤ នាក់ និង៤៩៥.៩០៤ នាក់បានជាសះស្បើយ ក្នុងនោះមានអ្នកស្លាប់៥.៨៥៤ នាក់៕

ប្រភព៖ Bangkok Post ប្រែសម្រួល៖ នង ណារិន