ប្រទេសថៃ៖ អាជ្ញាធរថៃ ឃាត់ខ្លួនព្រះសង្ឃចំនួន៧អង្គ ក្រោយ បានរកឃើញបានប្រមូលផ្តុំគ្នា ធ្វើពិធីជប់លៀងនៅព្រះវិហារក្នុងវត្តមួយ កាលពីយប់ថ្ងៃអាទិត្យ ដែលក្នុងនោះមានព្រះសង្ឃចំនួន៤ អង្គត្រូវបានចាប់់់់់សឹក ដោយត្រូវបានពិន័យនិងផ្តន្ទាទោសដាក់ពន្ធនាគារ ពីបទរំលោភលើការច្បាប់រឹតត្បិត Covid-19។
សារព័ត៌មាន Bangkok Post បានចេញផ្សាយនៅថ្ងៃទី៣១ ខែសីហា ឆ្នាំ២០២១ នេះថា ការចុះបង្រ្កាបនេះបានធ្វើឡើង បន្ទាប់ទទួលបានតាមពាក្យបណ្តឹងពីប្រជាពលរដ្ឋក្នុងមូលដ្ឋាន ថា មានព្រះសង្ឃបានប្រមូលផ្តុំធ្វើពិធីជប់លៀងផឹកស៊ី នៅវត្តប៉ានសៅ ក្នុងស្រុកមឿង ខេត្តឈៀងម៉ៃ។
កាលពីថ្ងៃច័ន្ទ ព្រះសង្ឃទាំង៧ អង្គត្រូវបាន តុលាការឈៀងម៉ៃ ចោទប្រកាន់ពីបទរំលោភច្បាប់គ្រប់គ្រងជំងឺនិងក្រឹត្យគ្រាអាសន្នស្តីពីកូវីដ១៩។ តុលាការបានផ្តន្ទាទោស ជនជាប់ចោទម្នាក់ៗដាក់ពន្ធនាគារ ១៥ ថ្ងៃ ដោយព្យួរទោស១ឆ្នាំ និងពិន័យជាប្រាក់១០.០០០បាត។ ក្នុងចំណោមព្រះសង្ឃ ដែលត្រូវបានបណ្តេញចេញទាំងប្រាំពីរនោះមានបួនអង្គ គឺនៅវត្តប៉ានសៅ វត្តហួហ្វៃ និងវត្តបានភីង ក្នុងស្រុកមឿង ខេត្តឈៀងម៉ៃ។
គួរបញ្ជាក់ថា ក្រសួងសុខាភិបាលថៃ នៅថ្ងៃអង្គារ ទី៣១ ខែសីហា ឆ្នាំ២០២១នេះ បានរាយការណ៍ពីការរកឃើញករណីឆ្លងជំងឺ COVID-19 ថ្មីៗចំនួន ១៤,៦៦៦នាក់ករណីបន្ថែមទៀត ក្នុងរយៈពេល ២៤ម៉ោងចុងក្រោយនេះ។ បើតាមក្រសួងសុខាភិបាលថៃ ក្នុងចំណោមករណីឆ្លងថ្មីៗខាងលើនេះមាន ១៤,៣៦២ករណី ត្រូវបានរកឃើញនៅលើប្រជាជនថៃទូទៅ និង ៣០៤ករណីទៀត ត្រូវបានរកឃើញនៅលើអ្នកទោសតាមពន្ធនាគារ។ គិតរហូតមកទល់ពេលនេះ ប្រទេសថៃបានកត់ត្រានូវករណីឆ្លងជំងឺ COVID-19 សរុបនៅទូទាំងប្រទេសចំនួន ១,២៤,៧២៩ករណី ក្នុងនោះមានអ្នកស្លាប់ ១១,៥៨៩នាក់ និងអ្នកជាសះស្បើយឡើងវិញ ១,០២១,៧៤៧២នាក់៕
ប្រភព៖ Bangkok Post ប្រែសម្រួល៖ នង ណារិន
