តៃប៉ិ៖ រដ្ឋមន្ត្រីការពារជាតិចិន Chiu Kuo-cheng បាននិយាយនៅថ្ងៃច័ន្ទទី ២៧ ខែកញ្ញានេះថា តៃវ៉ាន់ ត្រូវការអាវុធរយៈ​ចម្ងាយឆ្ងាយនិងត្រឹមត្រូវ ដើម្បីរារាំងប្រទេសចិន ដែលកំពុងអភិវឌ្ឍ​ប្រព័ន្ធរបស់ខ្លួនយ៉ាងឆាប់រហ័ស ដើម្បីវាយប្រហារកោះនេះ។

បើតាមការចេញផ្សាយដោយសារព័ត៌មាន Channel New​s Asia នៅថ្ងៃទី២៧ ខែកញ្ញា ឆ្នាំ២០២១នេះថា កោះតៃវ៉ាន់នៅខែនេះ បានស្នើចំណាយបន្ថែមលើវិស័យការពារជាតិ ជិត​៩​ពាន់លានដុល្លារ ក្នុងរយៈពេល​៥ ឆ្នាំខាងមុខ រួមទាំងមីស៊ីលថ្មីផងដែរ ខណៈដែលខ្លួនបានព្រមានអំពីតម្រូវការបន្ទាន់ ក្នុងការធ្វើទំនើបកម្មអាវុធស្រប​ពេលប្រឈមនឹង« ការគំរាមកំហែងធ្ងន់ធ្ងរ»ពីប្រទេសជិតខាងយក្សចិន ដែលអះអាងថា តៃវ៉ាន់ ជាទឹកដីរបស់ខ្លួន។

ថ្លែងនៅក្នុងសភា លោក Chiu បាននិយាយថា តៃវ៉ាន់ត្រូវការដើម្បីអាចអនុញ្ញាតឱ្យចិនដឹងថា ពួកគេអាចការពារខ្លួន។

លោកបានបន្ថែមថា«ការអភិវឌ្ឍឧបករណ៍ត្រូវតែមានរយៈចម្ងាយវែងច្បាស់លាស់និងចល័ត ដើម្បីឱ្យសត្រូវដឹងថា យើងបានត្រៀមខ្លួនភ្លាមៗនៅពេលពួកគេបញ្ជូនកងទ័ពរបស់ពួកគេ»។

នៅក្នុងរបាយការណ៍ជាលាយលក្ខណ៍អក្សរទៅកាន់សភា ដើម្បីអមដំណើរការបង្ហាញខ្លួនរបស់លោក Chiu ក្រសួងបាននិយាយថា មីស៊ីលរយៈចម្ងាយមធ្យមនិងរយៈចម្ងាយឆ្ងាយ កំពុងត្រូវបានប្រើ នៅក្នុងការធ្វើសមយុទ្ធស្ទាក់ចាប់នៅឯកន្លែងធ្វើតេស្តសំខាន់មួយ នៅឆ្នេរសមុទ្រភាគអាគ្នេយ៍កោះតៃវ៉ាន់។

ពាក់ព័ន្ធនឹងរឿងនេះ លោក Chiu បានបដិសេធមិនផ្តល់ព័ត៌មានលម្អិតដល់អ្នកយកព័ត៌មានថា មីស៊ីលរបស់តៃវ៉ាន់អាចទៅដល់កម្រិតណា ដែលជាអ្វីដែលរដ្ឋាភិបាលតែងតែរក្សាបានយ៉ាងល្អ។

កោះតៃវ៉ាន់ បានផ្តល់ការវាយតំលៃខុសពីធម្មតាទៅលើសមត្ថភាពរបស់ចិន នៅក្នុងរបាយការណ៍ប្រចាំឆ្នាំរបស់ខ្លួនស្តីពីយោធាចិន ដោយនិយាយថា ពួកគេអាច«អសមត្ថភាព» ការការពាររបស់តៃវ៉ាន់ ហើយអាចត្រួតពិនិត្យយ៉ាងពេញលេញនូវការដាក់ពង្រាយរបស់ខ្លួន។​​​​​​ លោក Chiu បាននិយាយថា វាមានសារៈសំខាន់ដែលប្រជាជនតៃវ៉ាន់ ត្រូវដឹងអំពីគ្រោះថ្នាក់ដែលប្រឈមមុខនឹងពួកគេ។

​លោកបានបន្ថែម​ថា«សមត្ថភាពរបស់ពួកកុម្មុយនិស្តចិន បានកើនឡើងយ៉ាងឆាប់រហ័ស។ ពួកគេអាចរំខានដល់ប្រព័ន្ធបញ្ជាទំនាក់ទំនងនិងប្រព័ន្ធស៊ើបការណ៍សម្ងាត់របស់យើង ឧទាហរណ៍ជាមួយស្ថានីយរ៉ាដា​ប្រាកដជាត្រូវបានវាយប្រហារមុនគេ»។ ​

គួរបញ្ជាក់ថា ប្រធានាធិបតី Tsai Ing-wen បានធ្វើឱ្យការពង្រឹងនិងការធ្វើទំនើបកម្មការការពារជាអាទិភាព ដើម្បីធ្វើឱ្យកោះនេះក្លាយជា«​សត្វតោ»ដែលពិបាកវាយប្រហារ៕

ប្រភព៖ Channel New​s Asia