ក្រុមហ៊ុន យក្ស Facebook មានគម្រោងផ្លាស់ប្តូរឈ្មោះថ្មីរបស់ខ្លួននៅសប្តាហ៍ក្រោយ៖ របាយការណ៍
អន្តរជាតិ
88

អន្តរជាតិ៖ សារព័ត៌មាន Verge បានរាយការណ៍នៅថ្ងៃអង្គារទី ១៩ខែតុលានេះ ដោយដកស្រង់ប្រភពដែល ដឹងដោយផ្ទាល់ពីបញ្ហានេះថា ក្រុមហ៊ុន យក្ស ហ្វេសប៊ុក គ្រោងនឹងប្តូរឈ្មោះខ្លួនដោយឈ្មោះថ្មីនៅសប្តាហ៍ក្រោយ។ នេះបើយោងតាមការចេញផ្សាយដោយសារព័ត៌មាន Channel News Asia នៅថ្ងៃទី២០ ខែតុលា ឆ្នាំ២០២១។

នាយកប្រតិបត្តិហ្វេសប៊ុក លោក Mark Zuckerberg គ្រោងនឹងថ្លែងអំពីការផ្លាស់ប្តូរឈ្មោះ នៅក្នុងសន្និសីទប្រចាំឆ្នាំរបស់ក្រុមហ៊ុននៅថ្ងៃទី ២៨ ខែតុលាខាងមុខ ប៉ុន្តែវាអាចត្រូវបានបង្ហាញឱ្យឃើញឆាប់ជាង នេះបើយោងតាមសារព័ត៌មាន The Verge ។

ការផ្លាស់ប្តូរឈ្មោះថ្មីនេះទំនងជានឹងដាក់កម្មវិធីប្រព័ន្ធផ្សព្វផ្សាយសង្គមហ្វេសប៊ុកជាផលិតផលមួយ ក្នុងចំណោមផលិតផលជាច្រើន ដែលស្ថិតនៅក្រោមក្រុមហ៊ុនមេ ដែលនឹងត្រួតពិនិត្យក្រុមដូចជា Instagram, WhatsApp, Oculus និងអ្វីៗជាច្រើនទៀត។

ហ្វេសប៊ុកបាននិយាយថា ខ្លួនមិនធ្វើអត្ថាធិប្បាយអំពីពាក្យចចាមអារាមឬការរំពឹងទុកនោះទេ៕

ប្រភព៖ Channel News Asia

Telegram