មានការភ្ញាក់ផ្អើលនៅក្នុងពិភពសិល្បៈរបស់ប្រទេសថៃ ខណៈមួយរយៈចុងក្រោយនេះ ឃើញថា តារាៗមួយចំនួន ជួបប្រទះនូវរឿងមិនគួរឲ្យជឿ និងមិនចេះចប់មិនចេះហើយទាល់តែសោះ អស់ពីរឿងតារាស្រី Tang mo មិនទាន់ចប់ផង ពេលនេះក៏ចូលដល់តារាប្រុសមួយរូបទៀត បានស្លាប់ដោយអាថ៌កំបាំង ដោយមិនទាន់ដឹងមូលហេតុ ខណៈសមត្ថកិច្ចកំពុងមានការស្រាវជ្រាវ ។

សូមបញ្ជាក់ថា តារាប្រុសដែលស្លាប់នេះ គឺជាតារាសម្តែងដ៏មានប្រជាប្រិយភាព គឺលោក Beam Papangkorn Rerkchalermpoj មានអាយុទើបតែ២៥ឆ្នាំ ដែលតារាប្រុសរូបនេះ ត្រូវបានប្រទះឃើញស្លាប់ទាំងវ័យក្មេង នៅលើគ្រែ ក្រោយពីក្រុមគ្រួសារសាច់ញាតិ បានទៅដាស់ តែមិនក្រោកទាល់តែសោះ ហើយក៏ប្រញាប់បញ្ជូនទៅមន្ទីរពេទ្យ ដើម្បីសង្គ្រោះបន្ទាន់ តែគួរឲ្យស្តាយ លោកបានស្លាប់ទៅហើយ ។ នេះបើយោងតាមការចេញផ្សាយដោយសារព័ត៌មាន Sanook របស់ប្រទេសថៃ នៅថ្ងៃទី២៣ ខែមីនា ឆ្នាំ២០២២ ខណៈសមត្ថកិច្ចកំពុងស្រាវជ្រាវ រកមូលហេតុនៃការ ស្លាប់របស់តារាប្រុសរូបនេះ ។

សូមបញ្ជាក់ថាដែរថា តារា សម្ដែង Beam គឺជាតារាប្រុសវ័យក្មេងដែលល្បីឈ្មោះក្នុងការដើរតួជាអ្នកដឹកនាំរឿងភាគដើម របស់ Netflix Kwang ដែលជារឿងភាគថៃដំបូងគេនិង ធ្លាប់សម្ដែងរឿងភាគល្បីៗដូចជា The Stranded, Blacklist, Mr.Merman, Behind the Sin, Project S:Spike និងរឿងភាគផ្សេងៗច្រើនទៀត ៕