ប្រិយមិត្តពិតជាបានស្គាល់ហើយ តារាចម្រៀងវ័យក្មេង សំឡេងធំ ពិរោះ គឺប្អូនប្រុស ឡុង លីងគ័ង្គ ដែលបងប្អូនធ្លាប់តែស្គាល់ថាជា កុមារាមួយរូប ដែលធ្លាប់បានចូលរួមប្រកួតនៅក្នុងកម្មវិធីប្រឡងចម្រៀងលំដាប់ថ្នាក់ពិភពលោក The Voice Kid Cambodia រដូវកាលទី១ កាលពីកំឡុងឆ្នាំ ២០១៧ កន្លងទៅ ទោះមិនមែនជាម្ចាស់ពាន តែ ឡុង លីងគ័ង្គ គឺទទួលបានប្រជាប្រិយភាពយ៉ាងខ្លាំង ពីសំណាក់ពុកម៉ែបងប្អូន គ្រប់វ័យតែម្តង ហើយក៏បានក្លាយជាតារាចម្រៀង អាជីពមួយរូប ប្រចាំនៅផលិតកម្មរស្មីហង្សមាស និងទទួលបានការជោគជ័យជាបន្តបន្ទាប់ ។

មកទល់នឹងពេលនេះ ប្អូនប្រុស ឡុង លីងគ័ង្គ ទើបតែមានអាយុជាង១០ឆ្នាំតិចតួចតែប៉ុណ្ណោះ ប៉ុន្តែអ្វីដែលមហាជនសង្កេតឃើញនោះ

តារាចម្រៀងវ័យក្មេង រូបនេះ តែងតែបង្ហាញសកម្មភាពជួយដល់សង្គម ក៏ដូចជាចេះដឹងទុក្ខធុរៈ សុខទុក្ខរបស់សិល្បៈករជើងចាស់ ដែលមានបញ្ហានានា ក៏គេឧស្សាហ៍ឃើញប្អូន បង្ហោះជូនពរ និងយកចិត្តទុកដាក់ផងដែរ ។

អ្វីដែលមហាជន កាន់តែសរសើរនេះ វ័យក្មេងទេ តែតារាចម្រៀងតូចម្នាក់នេះ មានចិត្តថ្លើមល្អប្រពៃ បានប្រកាសឡាយលក់សម្លៀកបំពាក់របស់ខ្លួន ដែលខ្លួនធ្លាប់បានស្លៀកឡើងឆាកម្តងម្កាល ប្រមូលយកមកដាក់លក់ ក្នុងតម្លៃធូរថ្លៃ ដើម្បីយកលុយដែលបងប្អូនជួយទិញនេះ យកទៅធ្វើសប្បុរសធម៌ ជួយដល់ចាស់ជរា ឬអ្នកទីទ័លក្រ ដែលកំពុងជួបការខ្វះខាតតាមដែរប្អូនអាចជួយបាន ល្អទុកព្យួរសម្លៀកបំពាក់ទាំងនេះ ទុកចោល ហើយមិនបានជួយអ្វីដល់អ្នកដែលខ្វះខាតទាល់តែសោះ ៕