ប្រោយមិត្តពិតជាបានស្គាល់ហើយ តារាកំប្លែង នាយក្រូច ដែលជាតារាកំប្លែងដ៏ល្បី ក្នុងប្រទេសកម្ពុជា បានប្រែក្លាយពីជីវិតដែលមានភាពលំបាក ខំប្រឹងធ្វើការបានលុយមួយថ្ងៃ សម្រាប់រស់មួយថ្ងៃ ខ្វះមុខ ខ្វះក្រោយ ពេលនេះបានប្តូរជីវិត ១៨០ដឺក្រេ តែក្លាយ បានមានទ្រព្យសម្បត្តិធូធារជាងមុនឆ្ងាយ មានលុយអាចទិញរថយន្តទំនើបជិះ បានដោយខ្លួនឯង។ ទាំងនេះបានមកពីការខំប្រឹងរបស់លោក ផ្ទាល់ ដែលមិនចុះចាញ់នឹងវាសនា រហូត បានសាងជីវិតគ្រួសារមួយយ៉ាងមានសុភមង្គល ជាមួយនឹងភាពជោគជ័យដ៏ខ្លាំងក្លាក្នុងវិស័យសិល្បៈ។
អ្វីដែលមហាជនមានការភ្ញាក់ផ្អើល និងកោតសរសើរទៅលើនាយក្រូចទៅទៀតនោះ មួយរយៈចុងក្រោយនេះ តារាកំប្លែងនាយក្រូច បាននិងកំពុងតែសម្ងំ សង់វីឡាយ៉ាងធំ ស្កឹមស្កៃ នៅឯស្រុកកំណើតរបស់ខ្លួន ក្នុងបរិវេណដីយ៉ាងធំល្វឹងល្វាយ និងយ៉ាងស្រស់ស្អាត ដោយនាយក្រូចបានបង្ហោះយ៉ាងខ្លី ភ្ជាប់ជាមួយនឹងរូបលោក និងផ្ទះនៅពីក្រោយខ្នងថា ជិតបានជួបជុំគ្នាហើយបងប្អូន ដែលក្នុងនោះក៏មានមហាជនជាច្រើន ចូលទៅខមមិនជូនពរ និងអបអរសាទរលោកផងដែរ ៕
