មហាជនពិតជាបានស្គាល់ហើយ ផេនខេត គឺជាតារាសម្ដែង និងជាពិធីការិនី ដ៏ពូកែវោហាសព័្ទមិនចេះរីងស្ងួតនិងជារឿយៗតែងតែ បង្កើតភាពសប្បាយរីករាយឲ្យមនុស្សជុំវិញខ្លួន បានរកសេចក្តីសុខឲ្យខ្លួនឯងបាន ថែមទាំងទទួលបានផ្កាស្លានិងទទួលបានបុរសដែលស្រលាញ់នាងពិតមិនគិតពីភេទ និងឈានដល់ថ្ងៃរៀបការថែមទៀត ខណៈកន្លងមក ផេន ខេត បានទម្លាយពីការតស៊ូជាមួយគ្នាយ៉ាងលំបាក ទាំងភាពរីករាយ ទាំងទឹកភ្នែក ក៏នៅតែកាន់ដៃគ្នាទៅមុខ។

ស្រាប់តែនៅម៉ោង២ និង៣៤នាទី ថ្ងៃទី១៨ ខែមេសា ឆ្នាំ២០២២ មហាជនដែលជាអ្នកគាំទ្រ មានការភ្ញាក់ផ្អើលយ៉ាងខ្លាំង ខណៈតារាស្រី មាឌធំ PanCake បានទម្លាយពីការបែកបាក់ទៅវិញ ដោយបានសរសេរខ្លឹមសារបង្ហោះ អមជាមួយរូបថតគូស្នេហ៍មួយសន្លឹក ដែលមានស្នាមគូសខ្វែងពីលើពណ៌ក្រហម មានខ្លឹមសារថា «៦ ឆ្នាំនេះទុកជាការយល់សប្តិ ទៅចុះ សង្ឃឹម ថា អ្នកនឹងមើល ថែអ្នកថ្មីឲ្យបានល្អ មិនក្បត់គេ ដូចដែលក្បត់ខ្ញុំទេ ព្រោះមើលទៅអ្នកទាំង២ស្រឡាញ់គ្នា ខ្លាំង ណាស់ ។ បញ្ជាក់មិនមែន សម្តែង ព្រោះមិននឹកស្មាន ហើយ ក៏ពិបាកទទួលយក ជាងរឿង ខ្ញុំជំពាក់ លុយគេទៀត»។

ទោះបីជាយ៉ាងណាក៏ដោយ មហាជនជាច្រើន បានធ្វើការខមមិន លើកទឹកចិត្ត ផេនខេត យ៉ាងច្រើន និងប្រាប់ឲ្យ ផេនខេក ស្រឡាញ់ខ្លួនឯងឲ្យបានច្រើន រឹងមាំ ឡើងជាដើម ៕