ធ្លាប់​ ឆ្ងល់ ទេ ថា តើ ការ ក្លាយ ជា មហាសេដ្ឋី បានយ៉ាងម៉េច មានអារម្មណ៍យ៉ាងម៉េច , មែនហើយ ក្មេងប្រុស អាយុ៩ឆ្នាំម្នាក់ ពិតជារស់នៅក្នុងសុបិន ហើយកំពុងរស់នៅក្នុងជីវិតមហាសេដ្ឋី នោះ។

ក្មេងប្រុសម្នាក់នេះ មកពីប្រទេសនីហ្សេរីយ៉ា មានឈ្មោះថា Muhammed Awal Mustapha ត្រូវបានគេស្គាល់ថាជា Richi Rich ហើយមានទ្រព្យសម្បត្តិ ឡានទំនើបៗ មានទាំងយន្តហោះផ្ទាល់ខ្លួន និងវិមានដ៏ធំស្កឹមស្កៃ ធំទូលាយមួយ ដែលកុមាររូបនេះមានក្នុងអាយុ ៦ ឆ្នាំ។

យោងតាមរបាយការណ៍ កុមាររូបនេះ គឺជាកូនប្រុសរបស់មហាសេដ្ឋីអ៊ីនធឺណេត នីហ្សេរីយ៉ា Ismailia Mustapha ដែលត្រូវបានគេស្គាល់ថាជា Mompha ។ ខណៈពេលដែល Ismailia មានអ្នកតាមដានជាង 1.1 លាននាក់នៅលើ Instagram ដែលធ្វើឲ្យមានអ្នកតាមដាន រាប់ម៉ឺននាក់ ចាប់អារម្មណ៍។

បើតាមរបាយការណ៍របស់ The Sun បានឱ្យដឹងថា Mompha Sr. បានទិញផ្ទះឲ្យកូនប្រុសរបស់គាត់ Mompha Jr. សម្រាប់ខួបកំណើត អាយុ៦ឆ្នាំ ក្នុងឆ្នាំ២០១៨ ហើយថែមទាំងបានទិញយន្តហោះផ្ទាល់ខ្លួន និងឡានទំនើបៗ ឲ្យកូនរបស់ខ្លួន ជាមួយនឹងសម្លៀកបំពាក់ប្រេនៗ ជាច្រើនផងដែរ ទោះបីជាអាយុរបស់កុមារារូបនេះ នៅមិនទាន់អាចបើកបរបានក៏ដោយ តែទ្រព្យសម្បត្តិទាំងអស់ គឺឈ្មោះ Mompha Jr. ដែលជាកូនរបស់គាត់វ័យត្រឹមតែ៩ឆ្នាំរូបនេះ ជាអ្នកកាន់កាប់ទាំងស្រុង ៕