វណ្ណដា (English: VannDa) (ឈ្មោះកំណើត ម៉ាន់វណ្ណដា) កើតនៅ ថ្ងៃទី ២២ ខែ មករា ឆ្នាំ ១៩៩៧ ។ លោកគឺជាតារា Artist មួយរូបដ៏មានប្រជាប្រិយភាពនៅក្នុងប្រទេសកម្ពុជា ដែលគេស្គាល់លោកតាមរយៈការ Upload បទចម្រៀងរបស់លោកនៅលើបណ្ដាញសង្គម YouTube នាឆ្នាំ២០១៦ ដែលលោកពេលនោះទទួលបានការចាប់អារម្មណ៍យ៉ាងខ្លាំងពីសំណាក់យុវវ័យ ដែលបទនេះបានធ្វើឲ្យរូបលោកល្បីឈ្មោះមកដល់សព្វថ្ងៃនេះ។

តារារ៉េបដ៏មានប្រជាប្រិយភាពប្រចាំផលិតកម្ម «បារមី» លោក វណ្ណដា ទើបតែធ្វើឱ្យមហាជនអ្នកគាំទ្រខ្លួនមានក្តីត្រេកអរមិនតិចទេ ក្រោយរូបលោកប្រកាសនូវគម្រោងប្រគំតន្ត្រីធំៗរបស់ខ្លួនជាច្រើននាដើមឆ្នាំថ្មីនេះ។

ក្រោយបង្ហើបព័ត៌មានខាងលើ ក៏ស្រាប់តែបែកធ្លាយ ដោយតារាល្បីៗនៅប្រទេសថៃបង្ហោះលើ លើបណ្ដាញសង្គមអ៊ីនធឺណិតផ្ទាល់ខ្លួ ដូចជា facebook និង instagram ដោយខាងផលិតកម្ម High Cloud Entertainment បានអញ្ជើញលោកវណ្ណាដាទៅច្រៀងជាមួយ តារារ៉េបល្បីៗប្រចាំប្រទេសថៃជាច្រើនរូប ក្នុងនោះមានដូចជួរមុខដូចជាលោក f.hero .1mill និង sprite ដែលអ្នកគាំទ្រភាគច្រើនសុទ្ធតែស្គាល់ថាពួកគេជាអ្នកចម្រៀងរ៉េបល្បីប្រចាំប្រទេសផងដែរ។

ដោយឡែកថ្មីៗនេះអ្នកគាំទ្រវិស័យចម្រៀងរ៉េបមួយចំនួនកំពុងនាំគ្នាពុះកញ្ជ្រោលចិត្តម្តងទៀត បន្ទាប់ពីខាងផលិតកម្ម High Cloud Entertainment ទម្លាក់ Office video នៃការសហការផលិតចម្រៀងរួមគ្នារវាងតារាចម្រៀងរ៉េបកម្ពុជា វណ្ណដា និង តារារេបប្រទេសថៃជួរមុខដូចជាលោក f.hero .1mill និង sprite លើផេកផ្លូវការរបស់ខ្លួនកាលពីល្ងាចម្សិលមិញ។ ក្នុងនោះដែរក៏ឃើញមានបណ្តាអ្នកគាំទ្ររបស់ វណ្ណដា ទាំងអស់បង្ហាញអារម្មណ៍ត្រេកអរយ៉ាងខ្លាំងតាមរយៈការស៊ែរចែករំលែកវីដេអូនេះយ៉ាងព្រោងព្រាតលើបណ្តាញសង្គម ដោយកន្លែងវណ្ណដាច្រៀងគឺវណ្ណដាបង្កប់អត្ថន័យរបស់ខ្លួនដោយប្រាប់ថាខ្លួនជាកូនខ្មែរកើតមកដោយមានប្រាសាទអង្គរវត្តនិងជីវិតតស៊ូជាច្រើននៅក្នុងអត្ថន័យចម្រៀងនេះធ្វើអោយហ្វេនដែលបានស្ដាប់គឺរំជួលចិត្ត និងខំមិននិងស៊ែរលើកទឹកចិត្តនិងមានមោទនភាពយ៉ាងខ្លាំងចំពោះលោកវណ្ណដា ។