ប្រិយមិត្ត ​៖ និងមហាជនទូទៅ បានស្គាល់រួចហើយ តារាសម្តែងលោក ស៊ុក សុភា ដែលល្បីឈ្មោះខ្លាំង តាមរយៈសម្តែងជាតួអង្គនេនទុំ ក្នុងរឿង «ទុំទាវ»។ ថ្មីៗនេះ មហាជនក្នុងបណ្តាញសង្គម បាននិងកំបុងមានការចាប់អារម្មណ៍ និងភ្ញាក់ផ្អើល ក្រោយឃើញ តារាប្រុសរូបនេះ បានសាងព្រះផ្នួស តាមគន្លងព្រះពុទ្ធសាសនាខ្មែរ នៅទឹកដីប្រទេសអូស្ត្រាលី ។ ចង់ដឹងទេ ថាហេតុអ្វីនៅសុខៗ លោក ស៊ុក សុភា មកសាងព្រះផ្នួស បែបនេះ ?

ក្នុងនោះបើតាមការបញ្ជាក់របស់លោក ស៊ុក សុភា ដែលបានបង្ហោះនៅលើបណ្តាញសង្គម បានរៀបរាប់ឲ្យដឹងថា «ដោយសារតែថ្ងៃនេះ ជាថ្ងៃកំណើតរបស់អាត្មា អ៊ីចឹងទេអាត្មាសូមសាងព្រះផ្នួសហើយ និង ជាកិច្ចតបស្នងសងគុណដល់ញោមស្រី ញោមប្រុសរបស់អត្មាដែរ (ភិក្ខុទុំ)»។

ដូច្នេះច្បាស់ការណ៍ហើយ គឺថាលោក ស៊ុក សុភា បួសដើម្បីធ្វើការតបស្នងសងគុណដល់អ្នកមានគុណទាំង២ ហើយក៏បានធ្វើឲ្យមហាជន នាំគ្នាសម្ដែងនូវការចូលរួមអនុមោទនា ចំពោះការតាំងចិត្តជ្រះថ្លា របស់លោកបងផងដែរ ៕