មហាជនជាច្រើនពិតជាស្គាល់ច្បាស់ជាក់ជាមិនខាន កំពូលតារាចម្រៀង ព្រាប សុវត្ថិ ដែលមានភាពល្បីល្បាញ និងទទួលបានការគាំទ្រ គ្រប់ស្រទាប់វ័យ មានទំាងនៅក្នុងប្រទេសកម្ពុជា និងក្រៅប្រទេសផងដែរ ហើយគេក៏បានចាត់ទុកលោកជា «តារាចម្រៀងលំដាប់ពិភពលោក» ថែមទៀតផង ព្រោះលោកត្រូវបានអញ្ជើញចូលរួមកម្មវិធីប្រគំតន្រ្តីតំណាងប្រទេសកម្ពុជាច្រើនលើក កាលពីពេលកន្លងទៅ។
តារាចម្រៀងលោក ព្រាប សុវត្ថិ បានរៀបការជាមួយភរិយាឈ្មោះ ឡុង ស្រីមុំ ក្នុងឆ្នាំ ១៩៩៧ នៅភ្នំពេញ និងមានកូនប្រុស ធំៗអស់ហើយ ដល់ទៅ៣នាក់ឯណោះ ដែលមានដូចជា សុវត្ថិ មុនីវណ្ណ, សុវត្ថិ មុនីនាគ និង សុវត្ថិ សិរីវឌ្ឍ ។
ថ្មីៗនេះមានការភ្ញាក់ផ្អើលនិងអបអរសាទរ ចំពោះកំពូលតារាចម្រៀង លោក ព្រាប សុវត្ថិ ក្រោយលោក ត្រូវបានព្រះមហាក្សត្រ ត្រាស់បង្គាប់ ផ្តល់គោរមងារ ជា ឧកញ៉ា នៅថ្ងៃទី២៩ ខែមេសា ឆ្នាំ២០២២ ថ្មីៗនេះ និងការអបអរសាទរ ជូនពរដល់លោកព្រាប សុវត្ថិ ពីបណ្តាអ្នកគាំទ្រផងដែរ ស្របពេលដែល កំពូលតារាចម្រៀង លោក ខេមរៈសេរីមន្ត ក៏ទទួលបានងារជាឧកញ៉ា ដូចគ្នា កាលពីពេលកន្លងទៅថ្មីៗនេះ ៕
