សិល្បៈ ៖ បណ្តាញសង្គម មានការចាប់អារម្មណ៍ ខណៈសុខៗ ស្រាប់តែធ្លាយដំណឹងថា អតីតបេក្ខភាពប្រឡងចម្រៀង ក្នុងកម្មវិធី The Voice Cambodia រដូវកាលទី១ កាលពីអំឡុងឆ្នាំ២០១៤ លោក រស់ សេរីសុភា ដែលចូលប្រឡងក្នុងអំឡុងឆ្នាំ២០១៤ ស្រករជាមួយនឹង លោក ប៊ុត សីហា បានចូលវះកាត់បេះដូងបន្ទាន់ នៅមន្ទីរពេទ្យរុស្ស៊ី ហើយក៏បានកំពុងខ្វះថវិកាក្នុងការព្យាបាល រហូតត្រូវបាន លោក ម៉ាដូណា ដែលជាតារាសម្តែងដ៏មានប្រជាប្រិយភាព បានបង្ហោះ កាលពីថ្ងៃទី២៤ ខែសីហា ឆ្នាំ២០២២ កន្លងទៅថា « តាមទឹកចិត្តពុកម៉ែបងប្អូន 1$ 2$ ដូចបានធ្វើបុណ្យ៧វត្ត អនុគ្រោះជួយshare អោយបងប្អូនគាត់បានឃើញផង ប្អូនប្រុសមានឈ្មោះ រស់ សេរីសុភា ត្រូវការវះកាត់បេះដូងបន្ទាន់ ឥឡូវបេះដូងរត់នៅសល់ត្រឹមតែ៣០ទេ នៅពេទ្យរុស្សី» និងមានមហាជន រួមទាំងបណ្តាអ្នកសិល្បៈជួយដល់ លោកផងដែរ ។

ថ្លែងប្រាប់លោក សុវណ្ណ រិទ្ធី នៅយប់ទៀបភ្លឺ ថ្ងៃទី៧ ខែកញ្ញា ឆ្នាំ២០២២ លោក រស់ សេរីសុភា អតីតបេក្ខភាពប្រឡងចម្រៀង ក្នុងកម្មវិធី The Voice Cambodia បានថ្លែងទាំងក្តីត្រេកអរ និងអួលដើមក សម្តែងនូវការដឹងគុណ ដល់មូនិធិសិល្បៈទាំងអស់ ពិពេសលោក ម៉ាដូណា ដែលបានជួយលោក ព្រោះពេលដែលលោកឈឺនោះ លោកគ្មានលុយនោះទេ គ្មានទាល់តែសោះ ខណៈបេះដូងលោក ធ្លាក់នៅសល់ត្រឹម២៥ ហើយលោក ជិតស្លាប់២ដងមកហើយ លុះនៅយប់ថ្ងៃទី៧ ទៀបភ្លឺនេះ លោកក៏បាន យកធូបមកអុជ សុំសេចក្តីសុខ នៅគល់ស្ពានជ្រោយចង្វារ ក្រោយលោកកំពុងជិះម៉ូតូសុខៗ ក៏ស្រវាំងភ្នែក ត្រូវបានគេបុកពីក្រោយ នៅត្រង់កណ្តាលស្ពានជ្រោយចង្វារតែម្តង ការដែលមកអុជធូបនេះ គឺជាការគោរពរបស់លោក និងបង្ការគ្រោះទុកជាមុន ព្រោះលោក ប៊ិះនឹងស្លាប់២ដងមកហើយ ជីវិតលោក ត្រដរខំប្រឹងរស់នៅ ឆ្លងកាត់ជំងឺផងអីផង ទើបលោកខំប្រឹង និងយកធូបមកអុជសុំសេចក្តីសុខ និងយកទោះដោះគោ មកឲ្យបងស្រីអ្នកបោសសម្អាតតាមដងផ្លូវ ក៏ជួបនឹងលោក សុវណ្ណ រិទ្ធី តែម្តង បើបងប្អូនអាណិតគាត់ សូមជួយដល់គាត់ផង អាណិតគាត់ណាស់ នេះជាលេខទូរសព្ទរបស់គាត់ 096 65 36581 ៕ (វីដេអូ )