អ្នកលេងបណ្តាញសង្គម នៅក្នុងប្រទេសថៃ បានផ្ទុះការចាប់អារម្មណ៍ ខណៈបវរកញ្ញាចក្រវាលថៃ ឆ្នាំ២០២២ ស្ទះផ្លូវខ្លាំងពេក រហូតទ្រាំលែងបាន ឡើងជិះម៉ូតូឌុប តែម្តង ។

កញ្ញា Anna Suengam-iam គឺជា បវរកញ្ញាចក្រវាលថៃ ធ្លាប់មានប្រវត្តិចូលប្រកួតវិស័យសម្រស់ជាច្រើនលើក និងជាក្មេងស្រីម្នាក់ដែលធំធាត់ឡើងពីគំនរសំរាម នាងមានវ័យ ២៣ឆ្នាំ ដណ្ដើមជយលាភីឯកបវរកញ្ញាចក្រវាលថៃ ឆ្នាំ២០២២ មិនមែនដោយសារសំណាងនោះទេ ប៉ុន្តែ ដោយ សារ នាងមានទាំង រូបសម្រស់ សមត្ថភាព បទពិសោធន៍ និងឆន្ទៈដ៏មោះមុតរបស់ នាង ផ្ទាល់ ហើយក្រៅពី វិថី សម្រស់ និងភាពយន្ត ម្ចាស់មកុដ Miss Universe Thailand រូបនេះ ត្រូវគេទម្លាយពីខ្សែជីវិត តស៊ូ ជូរចត់របស់នាងកាលពីក្មេងផងដែរ។

យ៉ាងណាមិញ បើកងាកមកបច្ចុប្បន្នវិញ ទោះបីជានាងក្លាយជា បវរកញ្ញាចក្រវាលថៃ ឆ្នាំ២០២២ ក៏ពិតមែន តែនាងមិនបានតម្កើនខ្លួន ឆ្មើងឆ្មៃ នោះទេ ខណៈដែលប្រិយមិត្តបានដឹងរួចស្រាប់ហើយ ទីក្រុងបាងកក គឺស្ទះចរាចរណ៍ខ្លាំងណាស់ រហូតធ្វើឲ្យនាង មិនខ្មាស់គេនោះទេ បានឡើងជិះម៉ូតូឌុប ទាំងដៃកាន់ឈុតសម្លៀកបំពាក់ ផាត់មុខបែបស៊ិចស៊ី បួងសក់យ៉ាងស្អាត ជិះម៉ូតូយ៉ាងរំភើយធ្វើមិនដឹង មិនខ្លាចបាក់មុខនោះទេ ដែលចំណុចនេះត្រូវបានគេថតបង្ហោះនិងសរសើរ ក្នុងបណ្តាញសង្គមយ៉ាងខ្លាំង ៕