ប្រិយមិត្តបានជ្រាបហើយ កន្លងមក ហ្វេនៗដែលជាអ្នកគាំទ្រ ធ្លាប់បានសង្ស័យថា Idol របស់ខ្លួន ទេព បូព្រឹក្ស កំពុងពរពោះកូនដំបូង ជាមួយតារារ៉េប G-devith នោះ តែហាក់បីមិនទាន់មានការបង្ហាញឲ្យឃើញ ពីសមីខ្លួន ខណៈ ទេព បូព្រឹក្ស ព្យាយាមលាក់ពោះពាក់អាវរលុងៗ មិនសូវឲ្យឃើញច្បាស់នោះទេ ។

ស្រាប់តែនៅយប់មិញនេះ បណ្តាអ្នកគាំទ្រមានការភ្ញាក់ផ្អើលយ៉ាងខ្លាំង ដោយតារាចម្រៀងស្រី ទេព បូព្រឹក្ស បានបង្ហោះទម្លាយរូបពោះរបស់នាង និងបានសរសេរនូវពាក្យក្នុងចិត្តជាច្រើន ដែលមានន័យថា «អំណោយដែលមិនអាចកាត់ថ្លៃ អំណោយដោយក្តីអំណរ ជាក្តីប្រាថ្នាដែលកើតមាននៅក្នុងចិត្តស្រ្តី និងមនុស្សគ្រប់រូប ដែលប្រាថ្មាក្លាយជាមាតាបិតា ដែលពោរពេញទៅដោយក្តីមេត្តា ករុណា និង ព្រហ្មវិហារធម៌ នោះទើប បានបង្កើតជាឈ្មោះថា មាតាជាព្រះ ( Goddess ) ដោយកិត្តយសក៏សូមប្រកាសពីកាដូរពិសេសដែលពួកយើងខ្ញុំទទួលបានពរពីព្រះ ថា G-DEVITH បានក្លាយជា Handsome Daddy ជាផ្លូវការហើយ , ដោយហេតុនេះក៏សូមចែករំលែកដំណឹងល្អនេះទៅកាន់អ្ននគាំទ្រ អ៊ុពូមីង លោកតាលោកយាយ ដែលតែងតែស្រលាញ់គាំទ្រដល់នាងខ្ញុំ ទោះជានៅក្នុងកាលៈទេសៈណា ក៏ដោយ នាងខ្ញុំក៏រីករាយនឹងចែករំលែកដំណឹងល្អ ក៏ដូចជាភាពសប្បាយរីករាយនៃយើងខ្ញុំជាមួយបងប្អូន ។ នាងខ្ញុំនឹងមាន special M/V ដោយមានចំណងជើងថា { GODDESS } នៅក្នុងខែ វិច្ឆិកា ខាងមុខនេះជាមួយនឹង ទស្សនីយភាព ថ្មីពីនាងខ្ញុំ ។ អរគុណសម្រាប់ការស្រលាញ់ពីបងប្អូនទាំងអស់គ្នា

ដោយក្តីគោរព ពីយើងខ្ញុំ : ទេព បូព្រឹក្ស និង ងួន ចាន់ ដាវីត » ។

ជុំវិញការបង្ហោះនេះ គេសង្កេតឃើញមាន មហាជនភាគច្រើន លោកបានចូលមកខមមិន អបអរសាទរចំពោះអ្នកទាំង២ ដែលទទួលកាដូរជាពិសេស នាពេលនេះ ។ តែក្នុងនោះ ក៏មានមតិវែកញែកគ្នានៅលើបណ្តាញសង្គមផងដែរ ។

ដោយឡែក នៅថ្ងៃទី២៤ ខែតុលា ឆ្នាំ២០២២នេះ គេឃើញអ្នកផាត់មុខធ្វើសក់ ឲ្យទេព បូព្រឹក្ស បានទម្លាយឃ្លីបវីដេអូមួយ បង្ហាញពីសកម្មភាពរបស់ តារាចម្រៀងទេព បូព្រឹក្ស ក្នុងឈុតពណ៌ទឹកសមុទ្រ មើលទៅស្រស់ស្អាតមួយបែប ជាមួយនិងកូនក្នុងផ្ទៃ (ដាក់វីដេអូ) ៕