យោងតាមផេក ក្រុមសិល្បៈយុវជនល្ខោនខោល និងរបាំបុរាណជំនាន់ថ្មី កាលពីថ្ងៃទី ២៤ ខែតុលា ឆ្នាំ ២០២២ កន្លងទៅ គឺបានប្រកាសថា ក្រុមសិល្បៈយុវជនល្ខោនខោល និងរបាំបុរាណជំនាន់ថ្មី ជូនដំណឹងដល់ពុកម៉ែបងប្អូន ឲ្យបានជ្រាបថា ខាងក្រុមការងាមានចែកសំបុត្រជូន នៅទីតាំងសហភាពសហព័ន្ធយុវជនកម្ពុជារាជធានីភ្នំពេញ តាមពេលវេលាដូចខាងក្រោម ៖
– ថ្ងៃទី ២៩.៣០ ខែតុលា វេលាម៉ោង ៨.០០ ព្រឹករហូត ៤.០០ រសៀល
– ថ្ងៃ ០៥.០៦ ខែវិច្ឆិកា
– ថ្ងៃ ១២.១៣ ខែវិច្ឆិកា
– ថ្ងៃ ១៩.២០ ខែវិច្ឆិកា។
ការចែកសំបុត្រនេះ គឺធ្វើឡើង ក្រោយប្រធានក្រុមសិល្បៈយុវជនល្ខោនខោល និងរបាំបុរាណជំនាន់ថ្មី បានប្រជុំជាមួយក្រុមការងារ AMS ចូលរួមសហការផ្សព្វផ្សាយ នៃកម្មវិធីសម្ដែងល្ខោនខោល អបអរសាទរខួប ៤ឆ្នាំនៃល្ខោនខោល ចូលជាសម្បត្តិបេតិកភណ្ឌពិភពលោក សម្ដែងនៅថ្ងៃទី២៥ -២៦ ខែវិច្ឆិកា វេលាម៉ោង ៦ ល្ងាចតទៅ នៅអគារខេមរានី រាជធានីភ្នំពេញ ។
លុះនៅព្រឹកថ្ងៃទី ២៩ ខែតុលា ឆ្នាំ ២០២២ នេះ គេសង្កេតឃើញយុវជនខ្មែរប្រុសស្រី នាំគ្នាទៅទទួលយកសំបុត្រជាបណ្ដើរៗហើយ ដើម្បីចូលរួមទស្សនាការសម្ដែងល្ខោនខោល ដកស្រង់ត្រង់ឈុត ត្រីមេឃ អមជាមួយការសម្ដែង របាំក្បាច់បុរាណ ដោយឥតគិតថ្លៃ ៕
