ប្រិយមិត្ត ពិតជាបានស្គាល់ហើយ តារាសម្តែងពន្លកថ្មី កំពុងផ្ទុះប្រជាប្រិយភាព លោក ដាវុធ ។ មិនតែការងារសម្តែងប៉ុណ្ណោះនោះទេ លោកដាវុធ ក៏ជាពិធីករ ដែលមានប្រជាប្រិយភាពម្នាក់ផងដែរ ។​

ស្រាប់តែនៅថ្ងៃទី១០ ខែវិច្ឆិកា ឆ្នាំ២០២២ ម្សិលមិញនេះ តារាសម្តែង និងពិធីករ និងដាវុធ ក៏បានបង្ហោះរូបភាពមួយសន្លឹក បង្ហាញពីកញ្ចក់រថយន្តរបស់លោក ដែលត្រូវបានគេគប់ បណ្តាលឲ្យបែក ខណៈកំពុងធ្វើដំណើរតាមដងផ្លូវ និងមានអ្នកលេងបណ្តាញសង្គមជាច្រើន ចូលទៅLike និងShare ផងដែរ ។

ក្នុងនោះ លោក ដាវុធ បានសរសេរទាំងស្រុងថា « យប់មិញម៉ោង ១ ជាង ខ្ញុំចេញពីកំពតមកភ្នំពេញបន្ទាប់ពីកម្មវិធី concert នៅចង្ងាយផ្លូវប្រហែលជា ៦០km ពីក្រុងកំពត មានគេយកដុំថ្មគប់ឡានខ្ញុំ ពួកគាត់ជិះម៉ូតូ បញ្ច្រាសផ្លូវ បិទភ្លើងម៉ូតូ គប់យកតែម្តង បងប្អូនប្រយ័ត្នពេលធ្វើដំណើរយប់ តាមផ្លូវជាតិលេខ ៣ នៅគីឡូម៉ែត ដូចបានជម្រាបជូន » ។

មិនតែប៉ុណ្ណោះ លោកក៏បាន ចូលទៅខមមិន ក្នុងរូបដែលលោកផុសដដែល និងបានសរសេរថា « បងប្អូន ពេលជួបរឿងនេះ បងប្អូនធ្វើចិត្តអោយធ្ងន់ នឹងន៎បំផុត កុំធ្វើអី បើកទៅមុខ គ្រប់យ៉ាង បងៗអាជ្ញាធរ ដោះស្រាយ បើកដេញបុក បាញ់ ឬ ទង្វើអ្វីផ្សេងទៀត មិនមែនជាដំណោះស្រាយ រឿងគេគប់យើងគេខុស រឿងយើងដេញបុកគេ យើងខុស រឿង២នេះផ្សេងគ្នាណាបងប្អូន រឿងដែលយើងត្រូវធ្វើគឺប្រយ័ត្ន ប្រយែង» ។ ទាំងនេះជាការលើកឡើងរបស់ពិធីករ លោក ដាវុធ ៕