ប្រិយមិត្តបានជ្រាបហើយ ការប្រកួតបរវកញ្ញាទេសចរណ៍អន្តរជាតិកម្ពុជា២០២២ កំពុងតែចាប់ផ្តើម នៅប្រទេសម៉ាឡេស៊ី ជាម្ចាស់ផ្ទះ ដែលមានបវរកញ្ញាជាច្រើនប្រទេសចូលរួម ក្នុងនោះក៏មានកម្ពុជាយើងផងដែរ គឺកញ្ញា ឆន ស្រីនេត ជាខ្មែរកម្ពុជាក្រោម និងជាលំដាប់រងទី១ បវរកញ្ញាចក្រវាកម្ពុជាឆ្នាំ២០២១ ត្រូវបានជ្រើសរើសតំណាងឲ្យប្រទេសកម្ពុជា ។

អ្វីដែលមហាជនខ្មែរ ផ្ទុះការចាប់អារម្មណ៍នោះ នៅថ្ងៃទី១៥ ខែវិច្ឆិកា ឆ្នាំ២០២២ កន្លងថ្មីនេះ កញ្ញា ឆន ស្រីនេត បេក្ខភាពបវរកញ្ញាកម្ពុជា បានលើកយកក្បាច់គុណល្បុក្កតោ មកធ្វើការប្រកួតបង្ហាញសមត្ថភាពភាពក្នុងវគ្គប្រកួត Talent Show របស់កម្មវិធីប្រកួតសម្រស់ បវរកញ្ញាទេសចរណ៍អន្តរជាតិ២០២២ ។

ជុំវិញរូបភាពទាំងនេះ បានធ្វើឲ្យមហាជន ធ្វើការកោតសរសើរយ៉ាងខ្លាំង និងបាននាំគ្នា ចូលរួមជូនពរ ផ្តល់កម្លាំងចិត្ត​ ដល់ការប្រកួត របស់បវរកញ្ញារបស់យើង ឲ្យទទួលបានជ័យលាភី ផងដែរ ៕