ចិន ៖ អតីតយុទ្ធជនសង្គ្រាម ជនជាតិចិន អាយុ ៩៥ ឆ្នាំម្នាក់ ថ្មីៗនេះបានរកឃើញថា គាត់បានរស់នៅជិត ៨ទសវត្សរ៍ ដោយមានគ្រាប់កាំភ្លើងជាប់នឹងករបស់គាត់។ នេះបើយោងតាមការចេញផ្សាយរបស់សារព័ត៌មាន odditycentral ។

គ្រាប់កាំភ្លើងនេះ បានជាប់ករបស់គាត់ បន្ទាប់ពីគាត់ បានធ្លាក់ពីលើយ៉រផ្ទះក្នុងទីក្រុង Shandong ប្រទេសចិន តែពេលនោះ គាតក៏មិនបានរាយការណ៍ពីរោគសញ្ញាណាមួយដល់ក្រុមគ្រួសារ របស់គាត់ ដែលព្រួយបារម្ភនោះទេ ហើយក៏អារម្មណ៍ឈឺចាប់អ្វីទាំងអស់ ប៉ុន្តែមួយសន្ទុះក្រោយមក ទាហានជើងចាស់ក្នុងសង្គ្រាមលោកលើកទី២រូបនេះ ចាប់ផ្តើមមានអារម្មណ៍មិនស្រួលនៅករបស់គាត់ ទើបកូនប្រុសរបស់គាត់ សម្រេចចិត្តនាំគាត់ទៅមន្ទីរពេទ្យដើម្បីពិនិត្យ ដោយក្រោយ ពី ដឹង ថា គាត់ ដួល គ្រូពេទ្យ បាន ណែនាំ ឱ្យ ថត កាំរស្មីអ៊ិច ដើម្បី ធានា ថា គាត់ គ្មាន គ្រោះថ្នាក់ធ្ងន់ធ្ងរ ដល់ ក របស់ គាត់។

ផ្ទុយទៅវិញ ជំនួសឱ្យការបាក់ឆ្អឹង កាំរស្មីអ៊ិចបានបង្ហាញ មានគ្រាប់កាំភ្លើងនៅករបស់គាត់ ដែលគ្រាប់កាំភ្លើងនោះជាគ្រាប់កាំភ្លើងចាស់ ដែលបុរសនោះ អះអាងថា គ្រាប់កាំភ្លើងនេះ ទំនងជានៅករបស់គាត់តាំងពីឆ្នាំ១៩៤៤ នៅពេលគាត់ធ្វើសង្គ្រាម ដែលទំនងជាចូលតាមច្រមុះខាងឆ្វេង កាត់តាមថ្គាមលើរបស់គាត់ និងត្រូវចំថ្គាមរបស់គាត់ មុននឹងធ្លាក់ចូលក ។ នេះគឺជាការបញ្ជាក់របស់ បុរសខាងលើ ។

ក្នុងនោះបើតាមការអះអាងរបស់គ្រូពេទ្យ បន្ទាប់ពីពិនិត្យកាំរស្មីអ៊ិចរួច គ្រូពេទ្យបានប្រាប់ទៅកាន់បុរសខាងលើថា គ្រាប់កាំភ្លើងនេះ នៅជាតិសរសៃឈាមធំៗមួយចំនួន តែដោយសារតែគ្មានបញ្ហាអ្វីដល់គាត់ យកល្អគួរតែទុកវាចោល ហើយបុរសនោះក៏យល់ព្រម ដោយគាត់បាននិយាយថា សុខភាពគាត់ល្អទាំងអស់គ្រប់យ៉ាង ដូច្នេះមិនចាំបាច់ធ្វើអ្វីទាំងអស់ ទុកវាបែបនេះចុះ ៕