សិល្បៈ ៖ អ្នកលេងបណ្តាញសង្គម ក៏ដូចជាបណ្តាអ្នកគាំទ្រ បានផ្ទុះការចាប់អារម្មណ៍ ក្រោយឃើញវត្តមានរបស់កញ្ញា Stella Bobby ដែលជាតារាសម្តែងកូនកាត់ខ្មែរ ប៊ុលការី ចេញមុខសម្តែងខ្សែភាពយន្តជាលើកដំបូង។

កញ្ញា Stella Bobby មានមុខមាត់ស្រស់ស្អាតខ្លាំងណាស់ ពិសេសតែងតែលេចមុខក្នុងMV ចម្រៀងផ្សេងៗជាបន្តបន្ទាប់ ដោយឡែកលើកនេះ ខុសពីលើកមុនៗ ដោយ Stella បានប៉ះដៃគូគ្នាជាមួយនឹងបុរសសង្ហារ សម្បុរស្រអែម មាឌធំ សាច់ដុំ បែបខ្មែរអង្គរ គឺលោក អ៊ុន សិទ្ធា ហើយបើតាមការទម្លាយពីលោក អ៊ុន សិទ្ធា ផ្ទាល់បានបញ្ជាក់ថា នេះគឺជាការសម្តែងជាលើកដំបូងរបស់តួឯកស្រី ក្នុងខ្សែភាពយន្តបែបបុរាណ ដោយលោក អ៊ុន សិទ្ធា បានសរសេរថា « សុំដាក់១ Album គ្រាន់មើលពេលចាស់ ពេញចិត្ត មួយណាអាចសេវទុកបាន ដើមឆ្នាំនេះ នឹងចេញរឿងបុរាណបែបនេះហើយ » ៕