យោងតាមការចេញផ្សាយរបស់ ទូរទស្សន៍ជាតិកម្ពុជា បានសរសេរទាំងស្រុងថា « សម្ដេចព្រះអគ្គមហាសង្ឃរាជាធិបតី ទេព វង្ស យាងសោយព្រះទីវង្គត់ នៅវេលាម៉ោង ៥ និង ៤០ នាទីល្ងាច ថ្ងៃច័ន្ទ ២រោច ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៦ ខែកុម្ភៈ ឆ្នាំ២០២៤ ក្នុងព្រះជន្មាយុ ៩៣ព្រះវស្សា» ។

សូមរំលឹកជូនថា យោងតាមការបង្ហោះនៅលើផេកផ្លូវការរបស់ សម្តេចព្រះអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស បានបង្ហាញនូវជីវប្រវត្តិរបស់ព្រះអង្គដូចតទៅ « សម្ដេចព្រះអគ្គមហាសង្ឃរាជាធិបតី ព្រះនាម ទេព វង្ស (គណៈមហានិកាយនៃកម្ពុជា) ។ ព្រះអង្គមាន បិតានាម : ទេព ឈិត , មាតានាម : ប៉ិច អាត់​ , ប្រសូត្រនៅថ្ងៃទី១២ ខែមករា ឆ្នាំវក គ.ស.១៩៣២

នៅឃុំជ្រាវ ស្រុកប្រាសាទបាគង ខេត្តសៀមរាប។

+ ព្រះផ្នួសលើកទី១

នៅឆ្នាំរោង គ.ស.១៩៥២ ក្នុងសំណាក់ព្រះឧបជ្ឈាយ៍

ព្រះនាម ហ៊ីង ម៉ៅ "ពុទ្ធសរ" ព្រះសមុហ៍ ព្រះចៅអធិការ

វត្តរាជបូណ៌ ខេត្តសៀមរាប។

+ ព្រះផ្នួសលើកទី២

នៅថ្ងៃ១៩ កញ្ញា ឆ្នាំ១៩៧៩ នៅវត្តឧណ្ណាលោម ក្រុង

ភ្នំពេញ ក្នុងសំណាក់ព្រះឧបជ្ឈាយ៍ ឋិតសីលោ និមន្ត

មកពីកម្ពុជាក្រោម។ នៅឆ្នាំ១៩៧៩ ដដែលបានឡើង

នាទីជាព្រះវិន័យធរ ប្រធានសង្ឃ និងជាព្រះឧបជ្ឈាហ៍

ទូទាំងប្រទេស បន្តពីព្រះគ្រូមហាថេរ ព្រះនាមកើត វ៉ាយ។

ព្រះវិន័យធរ ទេព វង្ស ទ្រង់ជាព្រះឧបជ្ឈាហ៍ធំជាងគេ

ដែលបានបំបួសរាល់ព្រះថេរចាស់ៗដែលជាអតីតព្រះថេរសម័យមុន ដែលបានផ្សឹកក្នុងសម័យខ្មែរក្រហម ហើយ

រស់រានជីវិតក្រោយរបបខ្មែរក្រហម និងបានចូលមក

បួសបំពេញឧបសម្បទាជាផ្លូវការឡើងវិញក្នុងសំណាក់

ព្រះវិន័យធរ ទេព វង្ស នៅវត្តឧណ្ណាលោម នាឆ្នាំ១៩៧៩,

៨០, ៨១...។

+ ព្រះគោរម្យ៍ងារ

_ព្រះវិន័យធ ជាព្រះឧបជ្ឈាយ៍នៃកម្ពុជា (១៩៧៩)

_ព្រះមហាសុមេធាធិបតី សង្ឃនាយក (១៩៩១)

_ សម្ដេចព្រះមហាសុមេធាធិបតី ព្រះសង្ឃរាជ គណៈ

មហានិកាយ (១៥.វិច្ចិការ.១៩៩១)

_សម្ដេចព្រះអគ្គមហាសង្ឃរាជាធិបតី កិត្តិឧទេសបណ្ឌិត

សម្ដេចព្រះមហាសង្ឃរាជ(២៩.មេសា.២០០៦-បច្ចុប្បន្ន)

បច្ចុប្បន្នសម្ដេច មានព្រះជន្មាយុ៩៣ព្រះវស្សា ជរាពាធ ៕