ខេត្តកំពង់ស្ពឺ៖ រថយន្តដឹកកម្មកររោងចក្រមួយគ្រឿង បានបើកបោះពួយទៅបុកផ្ទប់ដើមឈើ ពេញមួយទំហឹង បណ្តាលឲ្យស្ត្រីម្នាក់ស្លាប់ និង៤១នាក់ទៀតរងរបួសធ្ងន់ស្រាល ត្រូវបានបញ្ជូនទៅកាន់មន្ទីរពេទ្យ ។ នេះបើយោងតាមផេក ស្នងការដ្ឋាននគរបាលខេត្តកំពង់ស្ពឺ ។

ហេតុការណ៍នេះបានកើតឡើងកាលពីវេលាម៉ោង៦ និង ២០នាទី​ថ្ងៃទី៧ ខែឧសភា ឆ្នាំ២​០២៥​ លើផ្លូវជា​តិលេខ៤៤ ចន្លោះគីឡូម៉ែត្រលេខ​ ១២៩-១៣០ ស្ថិតនៅភូមិខ្សាច់ពូន សង្កាត់វាលពង់ ក្រុងឧដុង្គម៉ែជ័​យ ខេត្តកំពង់ស្ពឺ ។

សមត្ថកិច្ចបានឲ្យដឹងថា មុនពេលកើតហេតុ រថយន្ដ០១គ្រឿង ម៉ាក​ HYU​ND​AI ពណ៌បៃតងខ្ចី ផ្លាកលេខភ្នំពេញ​ 3B-4649​(មានដឹ​កកម្មករ៤២នាក់) អ្នកបើកបរឈ្មោះឈឿង នាង ភេ​ទប្រុស អាយុ ៣៥ឆ្នាំ រស់នៅភូមិចំបក់ធំ ឃុំប្រាំបីមុម ស្រុកថ្ពង ខេត្តកំពង់ស្ពឺ​ ទិសដៅស្របគ្នាជាមួយរថយន្ដ​ FORD ចៃដន្យ​រថយន្ត​ FO​RD បាន​បត់ឆ្វេង​ដៃឆ្លងផ្លូវ​ បណ្ដាលឲ្យ​ជួបគ្រោះថ្នាក់តែម្ដង​ ដោយរថយន្ត​ដឹកកម្មកនេះ ​បានរេចង្កូតគេចទៅបុក​ដើមឈើ​ បណ្ដាលឲ្យ​មានរបួស​ធ្ងន់ ៥នាក់ស្រី​ ,​ របួស​ស្រាល ៣៦នាក់ ស្រី ៣០នាក់​​ និងស្លាប់​ម្នាក់ជាស្រី​ ។

ក្រោយហេតុ​ការណ៍​​សមត្ថកិច្ច​នគរបាល​បានបញ្ជូនកម្មករ​ កម្មការិនី​ ដែលរងរបួស​ទៅ​សង្រ្គោះ​ព្យាបាល​បន្ទាន់​នៅ​មន្ទីរពេទ្យ​ និងបានចំណាត់ការនីតិវិធីបន្ដ ៕ នុច