អន្តរជាតិ៖ សារព័ត៌មាន Channel News Asia បានចេញផ្សាយនៅព្រឹកថ្ងៃទី១៥ ខែកក្កដា ឆ្នាំ២០២១ បានឲ្យដឹងថា អ្នកស្រុកនៅទូទាំងទីក្រុងធំបំផុតរបស់មីយ៉ាន់ម៉ា កំពុងប្រឆាំងនឹងបម្រាមគោចរយោធា ក្នុងការស្វែងរកអុកស៊ីសែន ដើម្បីឱ្យក្រុមគ្រួសាររបស់ពួកគេទុកជំនួយក្នុងការដកដង្ហើម នៅពេលរលកវីរុសថ្មីបានផ្ទុះឡើង នៅលើប្រទេសដែលញំញី​ដោយរដ្ឋប្រហារ។

ការកើនឡើងក្នុងករណីនេះគឺជាការវាយប្រហារចុងក្រោយបង្អស់ដល់មីយ៉ាន់ម៉ា ដែលទទួលរងនូវការធ្វើរដ្ឋប្រហារកាលពីខែកុម្ភៈ និងការបង្ក្រាបបង្ហូរឈាមទៅលើក្រុមប្រឆាំង ដែលបានសម្លាប់មនុស្សជាង​៩០០​នាក់ និងធ្វើឱ្យសេដ្ឋកិច្ចកាន់តែយ៉ាប់យឺន​។

មនុស្សរាប់រយនាក់បានតម្រង់ជួរនៅទូទាំងទីក្រុងយ៉ាំងហ្គោន ​កាលពីព្រឹកនៅថ្ងៃពុធ (១៤ កក្កដា) ក្នុងក្តីសង្ឃឹមថានឹងទទួលបានស៊ីឡាំងអុកស៊ីសែន ដើម្បីយកទៅផ្ទះជួយសមាជិកគ្រួសារដែលរងគ្រោះដោយវីរុសនេះ។

អាជ្ញាធរបានកត់ត្រាករណីថ្មីជាង​៧.០០០​ករណីកាលពីថ្ងៃពុធ​- បើប្រៀបធៀបជាមួយចំនួនតិចជាង​៥០ នាក់ក្នុងមួយថ្ងៃនៅដើមខែឧសភា។

មនុស្សរាប់លាននាក់នៅទីក្រុងយ៉ាំងហ្គោននិងទីក្រុងទីពីរនៃម៉ាន់ដាឡាយ​ត្រូវបានគេបញ្ជាឱ្យស្នាក់នៅផ្ទះ ប៉ុន្តែចំនួននៅតែបន្តកើនឡើង ហើយក្រុមអ្នកស្ម័គ្រចិត្តកំពុងបោះជំហានទៅមុខ ដើម្បីយកសាកសពជនរងគ្រោះចេញពីសង្កាត់របស់ពួកគេ។

​​រលកថ្មីកើតឡើងជាមួយប្រទេសដែលវិលត្រឡប់ពីអំពើហឹង្សាក្រោយរដ្ឋប្រហារ ហើយជាមួយនឹងបុគ្គលិកពេទ្យជាច្រើននាក់ចូលរួមយុទ្ធនាការប្រឆាំង​ទូទាំងប្រទេសប្រឆាំងនឹងយោធា៕

ប្រភព៖ Channel News Asia ប្រែសម្រួល៖ នង ណារិន(Irin)