អន្តរជាតិ៖ សារព័ត៌មាន Bangkok Post បានចេញផ្សាយនៅល្ងាចថ្ងៃទី២៦ ខែកក្កដា ឆ្នាំ២០២១ បានឲ្យដឹងថា

ក្រសួងសុខាភិបាលសាធារណៈថៃ បានប្រកាសនៅព្រឹកថ្ងៃច័ន្ទនេះថា ប្រទេសថៃបានកត់ត្រានូវករណីថ្មី​Covid-19​ ចំនួន ១៥.៣៧៦​នាក់ និងអ្នកស្លាប់ថ្មីចំនួន​៨៧​នាក់ ក្នុងរយៈពេល ២៤ ម៉ោងមុននេះ ដោយមានករណីសរុបកើនដល់​កន្លះលាននាក់។

ក្នុងចំណោមករណីថ្មីចំនួន​១៥.៣៧៦ ករណីមានចំនួន​១៤.៣៣៥ នាក់ក្នុងចំណោមប្រជាជនទូទៅ និង ១.០៤១ នាក់ក្នុងចំណោមអ្នកទោសពន្ធនាគារ។

កាលពីថ្ងៃអាទិត្យ អ្នកជំងឺ​Covid-19 ចំនួន​៦.៧៨២ នាក់បានជាសះស្បើយ និង​អ្នកជំងឺ​១៦៧.០៥៧ នាក់កំពុងទទួលការព្យាបាល​។ ករណីសរុបនៅក្នុងប្រទេសមាន ៥១២.៦៧៨​ករណី​ និង​ចំនួនអ្នកស្លាប់មាន​៤.១៤៦ នាក់​៕

ប្រភព៖  Bangkok Post ប្រែសម្រួល៖ នង ណារិន