ប្រទេសចិននិយាយថា ខ្លួនបានធ្វើសមយុទ្ធនៅឆ្នេរសមុទ្រ ក្នុងខេត្តទល់មុខនឹងកោះតៃវ៉ាន់
អន្តរជាតិ
74

ប៉េកាំង៖ យោធាចិន បាននិយាយ នៅថ្ងៃច័ន្ទទី ១១ ខែតុលានេះថា ខ្លួនបានអនុវត្តការធ្វើសមយុទ្ធនៅ ឆ្នេរសមុទ្រ នៃខេត្ត ទល់មុខនឹងកោះតៃវ៉ាន់ ទោះបីជា សមយុទ្ធនេះមិនបានភ្ជាប់ ទៅនឹងភាពតានតឹងបច្ចុប្បន្នជាមួយតៃប៉ិក៏ដោយ។ នេះបើយោងតាមការចេញផ្សាយដោយសារព័ត៌មាន Channel News Asia នៅថ្ងៃទី១១ ខែតុលា ឆ្នាំ២០២១។

កោះតៃវ៉ាន់គ្រប់គ្រងដោយប្រជាធិបតេយ្យ ដោយចិនអះអាងថា ជាទឹកដីរបស់ខ្លួន បានអះអាង ពីការដាក់សម្ពាធផ្នែកយោធា និងនយោបាយពីទីក្រុងប៉េកាំង ដើម្បីបង្ខំឱ្យខ្លួនទទួលយកការគ្រប់គ្រងរបស់ចិន រួមទាំងការវាយលុករបស់កងទ័ពអាកាសចូល ទៅក្នុងតំបន់កំណត់អត្តសញ្ញាណការពារដែនអាកាសរបស់តៃវ៉ាន់។

កាសែតប្រចាំថ្ងៃរបស់កងទ័ពរំដោះប្រជាជនចិននៅក្នុងរបាយការណ៍សង្ខេបមួយនៅលើបណ្តាញ Weibo របស់ខ្លួនបាននិយាយថា ការធ្វើសមយុទ្ធនេះ ត្រូវបានធ្វើឡើងក្នុងរយៈពេលប៉ុន្មានថ្ងៃចុងក្រោយនេះ នៅភាគខាងត្បូងនៃខេត្តហ្វូជៀន។

សូមជម្រាបថា ខេត្តហ្វូជៀននឹងក្លាយជាទីតាំងបើកដំណើរការដ៏សំខាន់សម្រាប់ការលុកលុយរបស់ចិនទៅលើកោះតៃវ៉ាន់ ដោយសារភូមិសាស្ត្ររបស់ខេត្តនេះនៅជិតនឹងកោះតៃវ៉ាន់។ ប្រទេសចិនតែងតែធ្វើសមយុទ្ធយោធាឡើងនិងតាមឆ្នេរសមុទ្រក៏ដូចជានៅសមុទ្រចិនខាងត្បូងដែលមានជម្លោះ។

តៃវ៉ាន់ បានថ្កោលទោស អ្វីដែលខ្លួនហៅថាយុទ្ធសាស្ត្របង្ខិតបង្ខំរបស់ចិន ប្រឆាំងនឹងប្រទេសនេះ ហើយនិយាយថា ខ្លួននឹងការពារខ្លួនប្រសិនបើត្រូវបានវាយប្រហារ។

គួរបញ្ជាក់ថា កាលពីចុងសប្តាហ៍ប្រធានាធិបតីចិនលោក ស៊ី ជិនពីង បានប្តេជ្ញាប្តេជ្ញាថានឹង«បង្រួបបង្រួមតៃវ៉ាន់» ឡើងវិញហើយប្រធានាធិបតីតៃវ៉ាន់លោកស្រី Tsai Ing-wen បាននិយាយថា តៃវ៉ាន់ នឹងមិនត្រូវបង្ខំចិត្តឱនក្បាល ជាមួយចិនឡើយ៕

ប្រភព៖ Channel News Asia