បាល់ទាត់៖ ​ក្លិប​ជើងឯក​អ៊ីតាលី​សេះបង្កង់ Juventus បានប្រកាស​ពី​ការបំពេញ​រួចរាល់​ ក្នុង​ការទិញ​ផ្តាច់​ខ្សែបំរើ​ក្រុម​ជំរើសជាតិអាមេរិក Weston McKennie ​ពី​ក្លិប​អាល្លឺម៉ង់ Schalke 04​។​ ​​Weston McKennie​ គឺជា​កីឡា​ករ​ខ្ចី​ជើង​ពី Schalke 04 ខណៈ​កីឡាករ​វ័យ ២២ឆ្នាំ​រូបនេះ​បានទទួល​ការពេញចិត្ត​ពី​អ្នកចាត់ការ Juventus, Andrea Pirlo​។​

​​កីឡាករ​វ័យ ២២ឆ្នាំ​រូបនេះ​បានបង្ហាញ​ខ្លួន​សរុប ៣១ប្រកួត​ហើយ​អោយ Juventus រដូវ​កាល​នេះ​រកបាន ៥ គ្រាប់​។ ​​McKennie​ បាន​ចុះហត្ថលេខា​លេង​អោយ Juventus រហូតដល់​ឆ្នាំ២០២៥​។ ​​Juventus កំពុង​ឈរ​លេខ៣ ក្នុង​តារាង​នៅ​ក្របខណ្ឌ​អ៊ីតាលី Serie A ដេញ​ពីក្រោយ​ក្រុម​លេខ២ AC Milan ៣ពិន្ទុ និង​ដេញ​ពីក្រោយ​ក្រុម​កំពូល​តារាង Inter Milan ៧ពិន្ទុ​៕