ក្រុងប៉េកាំង៖ មនុស្សជាង ១លាននាក់ នៅក្នុងទីក្រុងមួយនៅភាគកណ្តាលនៃប្រទេសចិន កំពុងត្រូវបានបង្ខាំងនៅក្នុងផ្ទះរបស់ពួកគេ នៅថ្ងៃអង្គារ​(ទី ៤ ខែមករា) បន្ទាប់ពីករណីឆ្លងមេរោគដែលមិនបង្ហាញរោគសញ្ញាចំនួន​៣ ត្រូវបានកត់ត្រានៅក្នុងការបិទខ្ទប់​ដ៏ធំចុងក្រោយរបស់ប្រទេសនេះ។ នេះបើយោងតាមការចេញផ្សាយដោយសារព័ត៌មាន Channel News Asia នៅថ្ងៃទី០៤ ខែមករា ឆ្នាំ២០២២។

ទីក្រុងប៉េកាំង បានបន្តវិធានការ​«សូន្យ-COVID-19» ជាមួយនឹងការរឹតបន្តឹងព្រំដែនដ៏តឹងរ៉ឹង និងការបិទខ្ទប់​គោលដៅ ចាប់តាំងពីមេរោគបានលេចឡើងជាលើកដំបូង។ ប៉ុន្តែយុទ្ធសាស្ត្រនេះ​ បានស្ថិតនៅក្រោមសម្ពាធជាមួយនឹងការផ្ទុះឡើងជាបន្តបន្ទាប់ក្នុងស្រុកនាពេលថ្មីៗនេះ ហើយក្នុងរយៈពេលត្រឹមតែមួយខែទៀតប៉ុណ្ណោះដែលត្រូវបន្តរហូតដល់«ព្រឹត្តិការណ៍កីឡាអូឡាំពិករដូវរងា​»។

គួរបញ្ជាក់ថា យូចូវ ដែលជាទីក្រុងដែលមានប្រជាជនប្រមាណ ១,១៧ លាននាក់ក្នុងខេត្តហឺណាន បានប្រកាសថា ចាប់ពីយប់ថ្ងៃច័ន្ទ ប្រជាពលរដ្ឋទាំងអស់ត្រូវស្នាក់នៅផ្ទះដើម្បីគ្រប់គ្រងការរីករាលដាលនៃមេរោគ។ សេចក្តីប្រកាសនេះត្រូវបានបង្កឡើងដោយការរកឃើញករណីចំនួនបីក្នុងរយៈពេលពីរបីថ្ងៃចុងក្រោយនេះ។

ប្រទេសចិនបានរាយការណ៍ពី ករណីកូវីដ១៩​ថ្មី ចំនួន១៧៥ផ្សេងទៀត កាលពីថ្ងៃអង្គារ រួមទាំងប្រាំនៅក្នុងខេត្ត​Henan និងប្រាំបីនាក់ទៀតនៅក្នុងចង្កោមដាច់ដោយឡែកមួយ ដែលភ្ជាប់ទៅនឹងរោងចក្រកាត់ដេរនៅភាគខាងកើតទីក្រុង Ningbo ។

ទោះបីជាករណីដែលត្រូវបានរាយការណ៍មានកម្រិតទាបបើធៀបនឹងប្រទេស​ផ្សេងទៀតក្នុងពិភពលោកក៏ដោយ ការឆ្លងមេរោគថ្មីក្នុងប៉ុន្មានសប្តាហ៍ថ្មីៗនេះបានឈានដល់កម្រិតខ្ពស់ដែលមិនបានឃើញនៅក្នុងប្រទេសចាប់តាំងពីខែមីនាឆ្នាំ ២០២០៕

ប្រភព៖ Channel News Asia