ហ្សាការតា៖ យោងតាមមន្ត្រីរដ្ឋាភិបាលឥណ្ឌូនេស៊ី យ៉ាងហោចណាស់មនុស្ស ៤៦នាក់បានស្លាប់ នៅក្នុងការរញ្ជួយដី ដែលបានវាយប្រហារកោះជ្វាដ៏សំខាន់របស់ប្រទេសឥណ្ឌូនេស៊ី នៅថ្ងៃចន្ទ (២១ វិច្ឆិកា)។ នេះបើយោងតាមការចេញផ្សាយដោយសារព័ត៌មាន CNA នៅថ្ងៃទី២១ ខែវិច្ឆិកា ឆ្នាំ២០២២។
ចំណុចកណ្តាលនៃការរញ្ជួយដីគឺនៅទីក្រុង Cianjur ប្រហែល៧៥គីឡូម៉ែត្រភាគអាគ្នេយ៍នៃទីក្រុង Jakarta និងនៅជម្រៅ ១០គីឡូម៉ែត្រ។ របាយការណ៍បាននិយាយថា ទីប្រជុំជនខេត្ត West Java ជាទីប្រជុំជនរងគ្រោះដ៏អាក្រក់បំផុតដោយការរញ្ជួយដី ដោយមនុស្សប្រហែល ៧០០ នាក់បានរងរបួស។
លោក Herman Suherman ប្រធានរដ្ឋបាលនៅទីក្រុង Cianjur បានប្រាប់ទូរទស្សន៍ Kompas TV ថា «ទិន្នន័យចុងក្រោយបំផុត មនុស្ស៤៦នាក់ត្រូវបានសម្លាប់។ ជនរងគ្រោះនៅតែបន្តមកពីតំបន់ជាច្រើន។ មនុស្សប្រហែល 700 នាក់បានរងរបួស»។
ទីភ្នាក់ងារអាកាសធាតុ និងភូគព្ភសាស្ត្ររបស់ប្រទេស (BMKG) បាននិយាយថា ការរញ្ជួយដីកម្រិត៥.៦រ៉ិចទ័រ បានវាយប្រហាររដ្ឋធានីហ្សាកាតារបស់ប្រទេសឥណ្ឌូនេស៊ីអស់រយៈពេលជាច្រើនវិនាទី នៅថ្ងៃចន្ទនេះ ដោយបន្ថែមថា មិនមានសញ្ញានៃរលកយក្សស៊ូណាមិនោះទេ៕
ប្រភព៖ CNA
