ខេត្តតាកែវ ៖ ពិតជារន្ធត់ណាស់លោកអើយ កម្មការីនីរោងចក្រម្នាក់ ជិះម៉ូតូចេញពីធ្វើការទៅផ្ទះ កំពុងលឿន ស្រាប់តែមានរថយន្ត បត់ឆ្វេង ឆ្លងកន្លងផ្លូវភ្លាមៗ មិនប្រយ័ត្នមិនមើលគេឯង គេចមិនទាន់ក៏បុកពេញទំហឹង ស្លាប់ភ្លាមៗ នៅទីតាំងកើតហេតុតែម្តង ។
ហេតុការណ៍នេះបានកើតឡើងកាលពីវេលាម៉ោង ១៩ និង ៣៥ នាទីថ្ងៃទី ២៣ ខែ មិថុនា ឆ្នាំ២០២៤ នៅលើផ្លូវជាតិលេខ ២ បង្គោលគីឡូម៉ែត្រលេខ ៤២-៤៣ ស្ថិតនៅក្នុងភូមិ ស្មៅខ្ញី ឃុំត្រពាំងសាប ស្រុកបាទី ខេត្តតាកែវ ។
តាមរបាយការណ៍ពីសមត្ថកិច្ចបានឲ្យដឹងថា ករណីនេះ កើតឡើងខណៈ រថយន្តម៉ាកស៊ាំយ៉ុង ពណ៌ បៃតងចាស់ ពាក់ផ្លាកលេខ ភ្នំពេញ 2P-6314 បើកមកពីទិសខាងជើងទៅត្បូងរួចបត់ទៅឆ្វេង បើកបរដោយឈ្មោះ ហេង ហ៊ុនសាយ ភេទប្រុស អាយុ ៣០ ឆ្នាំ មុខរបរ បើកបរ មានទីលំនៅភូមិ ព្រៃកថ្មី ឃុំ ទឹកវិល ស្រុក ស្អាង ខេត្ត កណ្តាល ។ ចំណែក ម៉ូតូម៉ាកហុងដាសេ១២៥ ពណ៌ខ្មៅពាក់ផ្លាកលេខ ភ្នំពេញ 1JW-8665 បើកបរមកពីទិសខាងត្បូងទៅជើង ដោយអ្នកបើកបឈ្មោះ ភួង ឡុងយី ភេទស្រី អាយុ ៣២ ឆ្នាំ មុខរបរ កម្មការីនី (ពាក់មួកសុវត្ថិភាព ) មានទីលំនៅភូមិ ត្រពាំងលើក ឃុំ កណ្តឹង ស្រុក បាទី ខេត្តតាកែវ បានស្លាប់នៅកន្លែងកើតហេតុ ។
ក្នុងហេតុការណ៍នេះ សមត្ថកិច្ចបានបញ្ជាក់ថា មូលហេតុ ដោយសាររថយន្តបើកមកពីទិសខាងជើងទៅត្បូងរួចបត់ឆ្វេង ឆ្លងកន្លងផ្លូវមកទិសខាងកើត ខ្វះការប្រុងប្រយ័ត្នស្របពេលក៏មានម៉ូតូបើកមកពីទិសត្បូងមានល្បឿនលឿនគេចមិនផុតក៏បុកតែម្តងទៅ។
ក្រោយកើតហេតុ សមត្ថកិច្ចបានធ្វើការវាស់វែង យករថយន្ត និង ម៉ូតូ បានយកមករក្សាទុកនៅអធិរដ្ឋាននគរបាលស្រុកបាទី ជាបណ្តោះអាសន្ន ដើម្បីសាវជ្រាវ នឹងបំពេញបែបបទតាមនីតិវិធីច្បាប់ និងប្រគល់សពឲ្យសាច់ញាតិធ្វើបុណ្យតាមប្រពៃណី ៕ អែល វិចិត្រ
