រាជធានីភ្នំពេញ៖ នៅវេលាម៉ោង ១១និង៥០នាទី ថ្ងៃទី២៥ ខែមិថុនាឆ្នាំ២០២៤ មានករណីអគ្គិភ័យមួយ កន្លែងកើតឡើងនៅចំណុច អតីតភោជនីយដ្ឋាន ប្រេន ឌី ស្ថិតនៅ ផ្លូវ២៦៥ កែងផ្លូវ១៩២ ក្រុម២៥ ភូមិ៩ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ។
យោងតាមរបាយការណ៍សមត្តកិច្ចបានឲ្យដឹងថាករណីអគ្គីភ័យនេះ បណ្ដាលមកពីមូលហេតុ ជាងផ្សារដែកធ្លាក់កំទិចធូបផ្សារបង្កជាអគ្គិភ័យ រាលដាលឆាប់ឆេះទីតាំងខាងលើបណ្ដាលឲ្យខូចខាតសម្ភារៈ ឆេះហាងដែកប្រក់ស័ង្កសី ទំហំ ១៤ម៉ែត្រ x២៥ម៉ែត្រគូប ចំនួន ០១ហាង រួមមានម៉ូតូម៉ាក់ហុងដាភីស៊ីអិចចំនួន ០១គ្រឿង និងសម្ភារៈក្នុងហាងអស់ទាំងស្រុង ហើយបណ្តាលឲ្យឆេះរាលដាលដល់ ភោជនីយដ្ឋាន យីហោ បង ចំនួន ០១ហាង ខូចខាត ៤០% , ផ្ទះថ្មជាន់ទី១ ចំនួន ០២ល្វែង ។
ប្រើសប្រាសរថយន្ត អគ្គិភ័យ ចំនួន១៩គ្រឿង ប្រេីប្រាស់ទឹកអស់ចំនួន ៣៨ឡាន ស្មើនឹង ១៥២ម៉ែត្រគូប។ និងរថយន្តជំនួយអន្តរាគមន៍រថយន្តអគ្គិភ័យទីក្រុងនរាចំនួន ០១គ្រឿង ប្រើប្រាស់ទឹកអស់ចំនួន ០១គ្រឿង ស្មើនឹង ០៤ម៉ែត្រគូប ។ រថយន្តអគ្គិភ័យក្រុមហ៊ុនស្រាបៀរកម្ពុជាចំនួន ០១គ្រឿង ប្រើប្រាស់ទឹកអស់ចំនួន ០២ឡាន ស្មើនឹង ១២ម៉ែត្រគូប ។
ក្រោយកើតហេតុជុំវិញករណីអគ្គីភ័យនេះគឺមិនបណ្ដាលឲ្យមានមនុស្សរងរបួសនោះទេ ចំណែកសមត្តកិច្ចបានពន្លត់ចប់ នៅម៉ោង ០១នឹង០០នាទីរសៀល ៕
