ព្រឹទ្ធាចារ្យចាប៉ីដងវែង លោកតា គង់ ណៃ បានទទួលមរណភាពហើយ ។ ក្នុងនោះ យោងតាមការបង្ហោះ នៅលើគណនីផ្លូវការរបស់ បងប្រុសឈ្មោះ Kong Samay ដែលជាកូនប្រុសលោកតាផ្ទាល់ បានបង្ហោះនៅវេលាម៉ោង១ និង ២៣នាទីរសៀល ថ្ងៃទី២៨ ខែមិថុនា ឆ្នាំ២០២៤នេះ ទាំងស្រុងថា« សូមពុកទៅឲ្យបានសុខ កូនសូមជួបពុកគ្រប់ៗជាតិ លោកពុក គង់ណៃ » ។

សូមរំលឹកថា ព្រឹទ្ធាចារ្យ គង់ ណៃ គឺជាសិល្បករចាប៉ីដងវែង ដ៏ល្បីល្បាញមួយរូបរបស់កម្ពុជា ដែលមានគោរមងារថាជាព្រឹទ្ធាចារ្យកោសល្យវោហារ គង់ ណៃ។ក្រៅពីមានគោរមងារថ្នាក់ជាតិជាមត៌កមនុស្សរស់ហើយនោះ ព្រឹទ្ធាចារ្យ គង់ ណៃ ក៏ជាធ្លាប់ទទួលបានពានរង្វាន់ទាំងថ្នាក់ជាតិ និងអន្តរជាតិជាច្រើនពានរង្វាន់ផងដែរ។

ការបាត់បង់ ព្រឹទ្ធាចារ្យចាប៉ីដងវែង លោកតា គង់ ណៃ គឺជាការបាត់បង់មត៌កមនុស្សរស់ ផ្នែកចាប៉ីដងវែង ដ៏ល្បីល្បាញមួយរូបរបស់កម្ពុជា ៕