រាជធានីភ្នំពេញ៖ ពិតជាអាសូណាស់ចំពោះការបាត់បង់ជីវិតទាំងវ័យក្មេងរបស់តារាចម្រៀង Original Song លោកថុល លីណា ដែលជាអតីតបេក្ខភាកម្មវិធី Cambodian Idol និង X Factor Cambodian បានជួបគ្រោះថ្នាក់ចរាចរណ៍បណ្តាលឲ្យស្លាប់បាត់បង់ជីវិត កាលពីយប់ថ្ងៃទី០៩ ខែតុលាឆ្នាំ២០២៤ នៅម្តុំស្វាយរលំ បន្ទាប់ពីតារាចម្រៀងវ័យក្មេងរូបនេះ ចេញពីច្រៀងនៅហាងមួយកន្លែង។

ជីវិតនឹងការតស៊ូរបស់លោកថុល លីណាទម្រាំបានល្បីឈ្មោះលោកធ្លាប់ជាអ្នកចម្រៀងតាមហាង រហូតដាក់ពាក្យចូលប្រឡងកម្មវិធី Cambodian Idol និង X Factor Cambodian ជាប់ ទើបឈានទៅផលិតចម្រៀង Original Song ល្បីនៅលើបណ្តាញសង្គម ។ លោកថុល លីណា ធ្លាប់ជួបគ្រោះថ្នាក់ចរាចរណ៍ម្តងរួចមកហើយ មុនពេលលោកចូលប្រឡងកម្មវិធី Cambodian Idol ប៉ុន្តែគ្រាន់តែរងរបួស សាជាថ្មីនៅយប់ថ្ងៃកើតហេតុខាងលើលោកបានជួបគ្រោះថ្នាក់ម្តងទៀតបណ្តាលឱ្យស្លាប់បាត់បង់ជីវិតចោលប្រពន្ធទាំងវ័យក្មេងតែម្តង ។

ជាមួយគ្នានោះនៅលើបណ្តាញសង្គមឃើញមានអ្នកសិល្ប:បង្ហាញការសោកសៅ អាណិតអាសូចំពោះការបាត់បង់តារាចម្រៀងប្រុសលោក ថុល លី ណា

ដែលបានជួបគ្រោះថ្នាក់ចរាចរណ៍បណ្តាលឲ្យស្លាប់បាត់បង់ជីវិតទាំងវ័យក្មេង។

សូមបញ្ជាក់ថាលោក ថុល លីណា បានក្លាយ ជា អ្នក ចម្រៀងដែលទទួលបានការគាំទ្រនិង ពេញ និយម ចំ ពោះ យុវវ័យ តាមរយៈ ការផលិត ចេញបទចម្រៀងនៅលើបណ្តាញសង្គមនិងធ្វើបទOriginal Song ខណ:បទដែលមានការគាំទ្រច្រើនគឺ បទ”យល់ច្រឡំថាគេស្រ លាញ់យើង”,បទ”អនុស្សាវរីយ៍កម្សត់”ជាដើម៕