វ៉ាស៊ីនតោន៖ ក្រសួងការបរទេសរបស់អាមេរិកបាននិយាយថា សហរដ្ឋអាមេរិក បានព្រមានចិនជុំវិញសម្ពាធរបស់ពួកគេលើកោះតៃវ៉ាន់ ខណៈដែលកិច្ចប្រជុំកំពូលរវាងប្រទេសមហាអំណាចទាំងពីរ ដែលកំពុងរង់ចាំយ៉ាងក្ដៅគគុកនឹងចូលមកដល់នាពេលខាងមុខ។

បើតាមសារព័ត៌មាន Channel News Asia បានចេញផ្សាយនៅថ្ងៃទី១៤ ខែវិច្ឆិកា ឆ្នាំ២០២១ បានឲ្យដឹងថា នាយកដ្ឋាននេះបាននិយាយនៅក្នុងសេចក្តីថ្លែងការណ៍មួយថា រដ្ឋមន្ត្រីការបរទេសរបស់អាមេរិកលោក Antony Blinken បាននិយាយជាមួយរដ្ឋមន្ត្រីការបរទេសលោក Wang Yi ហើយបានសម្តែងការព្រួយបារម្ភទាក់ទងនឹងការបន្តដាក់សម្ពាធយោធា, ការទូត និងសេដ្ឋកិច្ចរបស់ចិនប្រឆាំងនឹងតៃវ៉ាន់ ។

គួរបញ្ចាក់ថា លោកប្រធានាធិបតី ចូ បៃដិន (Joe Biden) និង សមភាគីចិនរបស់លោក ស៊ី ជីនពីង (Xi Jinping) គ្រោងនឹងរៀបចំកិច្ចប្រជុំកំពូលតាមប្រព័ន្ធអនឡាញនាល្ងាចថ្ងៃចន្ទទី ១៥ ខែវិច្ឆិកា ម៉ោងនៅទីក្រុងវ៉ាស៊ីនតោន។

កាលពីថ្ងៃសុក្រទី ១២ ខែវិច្ឆិកា លោក Blinken និង លោក Wang បានពិភាក្សាអំពីការរៀបចំសម្រាប់កិច្ចប្រជុំកំពូល ដោយលោក Blinken បានជំរុញឱ្យទីក្រុងប៉េកាំងចូលរួមក្នុងកិច្ចសន្ទនាពេញលេញដើម្បីដោះស្រាយបញ្ហាឆ្លងច្រកសមុទ្រដោយសន្តិវិធីនិងក្នុងលក្ខណៈមួយដែលស្របតាមបំណងប្រាថ្នានិងផលប្រយោជន៍ល្អបំផុតរបស់ប្រជាជននៅលើកោះតៃវ៉ាន់ ។

ទំនាក់ទំនងរវាងប្រទេសដែលមានសេដ្ឋកិច្ចធំជាងគេទាំងពីររបស់ពិភពលោកកាន់តែយ៉ាប់យ៉ឺន ហើយបញ្ហាជុំវិញកោះតៃវ៉ាន់ក៏ជាផ្នែកមួយនៃការធ្វើឱ្យអាប់អួរទំនាក់ទំនងរវាងមហាអំណាចទាំង ២ ក្រៅពីរឿងពាណិជ្ជកម្ម, សិទ្ធិមនុស្ស និង បញ្ហាផ្សេងៗទៀតផងដែរ។

យោធាចិនកាលពីខែមុនបានបង្កើតចំនួនកំណត់ត្រានៃការលុកលុយចូលទៅក្នុងតំបន់ការពារដែនអាកាសរបស់តៃវ៉ាន់។ ជាការឆ្លើយតប វ៉ាស៊ីនតោន បាន ផ្តល់ សញ្ញា ម្ដង ហើយ ម្ដង ទៀត នូវ ការ គាំទ្រ របស់ ខ្លួន ចំពោះ តៃវ៉ាន់ ចំពោះ មុខ អ្វី ដែល ខ្លួន បាន ពណ៌នា ថា ជា ការ ឈ្លានពាន របស់ ចិន។

ក្រសួងការបរទេសអាម៉េរិកបានបញ្ជាក់ថា កិច្ចប្រជុំកំពូលនៅថ្ងៃច័ន្ទទី ១៥ ខែវិច្ឆិកាខាងមុខនឹងបង្ហាញពីឱកាសមួយសម្រាប់មេដឹកនាំទាំងពីរដើម្បីពិភាក្សាអំពីរបៀបគ្រប់គ្រងការប្រកួតប្រជែងប្រកបដោយការទទួលខុសត្រូវរវាងសហរដ្ឋអាម៉េរិក និង ចិន ខណៈពេលដែលធ្វើការជាមួយគ្នានៅក្នុងតំបន់ដែលមានផលប្រយោជន៍ដូចគ្នា ៕

ប្រភព៖ Channel News Asia