រថយន្តក្រុងចំនួន ៤៥៥គ្រឿង ចាប់ផ្តើមចេញដំណើរ ដឹកបងប្អូនប្រជាពលរដ្ឋទៅស្រុកកំណើតក្នុងឱកាសភ្ជុំបិណ្ឌ រយៈពេល៥ថ្ងៃ អត់បង់ប្រាក់ ចាប់ពីថ្ងៃនេះ ដល់ថ្ងៃទី១៦ តុលា!

រាជធានីភ្នំពេញ ៖ នៅព្រឹកថ្ងៃទី១២ ខែតុលា ឆ្នាំ២០២៣នេះ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ បានអញ្ជើញចុះពិនិត្យ និងជូនដំណើរប្រជាពលរដ្ឋ ធ្វើដំណើរតាមរថយន្តក្រុងទៅបណ្តាខេត្ត ដោយឥតគិតថ្លៃ ក្នុងឱកាសបុណ្យភ្ជុំបិណ្ឌ ចាប់ពីថ្ងៃទី១២ ដល់ថ្ងៃទី១៦ ខែតុលា ឆ្នាំ២០២៣ ។

សូមអញ្ជើញប្រជាពលរដ្ឋមកធ្វើដំណើរតាមរថយន្តក្រុង ដោយឥតគិតថ្លៃ !

សូមបញ្ជាក់បន្ថែមថា រដ្ឋបាលរាជធានីភ្នំពេញ បានឲ្យដឹងពី សេចក្ដីជូនដំណឹង អនុវត្តតាមប្រសាសន៍ដ៏ខ្ពង់ខ្ពស់បំផុតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា រដ្ឋបាលរាជធានីភ្នំពេញនឹងរៀបចំរថយន្តក្រុងចំនួន ៤៥៥គ្រឿង សម្រាប់បម្រើសេវាដឹកជញ្ជូនសាធារណៈរយៈពេល០៥ថ្ងៃ ចាប់ពីថ្ងៃ១២ ដល់ថ្ងៃទី១៦ ខែតុលា ឆ្នាំ២០២៣ ដោយមិនបង់ប្រាក់ ៖