រាជធានីភ្នំពេញ ៖ នៅវេលាម៉ោង១៨:០៥នាទីល្ងាច ថ្ងៃទី២៥ ខែតុលា ឆ្នាំ២០២៤ មានករណីអគ្គិភ័យមួយ កន្លែងកើតឡើងនៅចំណុចភោជនីយដ្ឋាន EAST& WEST ផ្ទះលេខ E0 E1 ផ្លូវ១៧២ ភូមិ៤ សង្កាត់ជ័យជំនះ ខណ្ឌដូនពេញ។

ហេតុការណ៍ អគ្គិភ័យឆាបឆេះនេះ បណ្តាលមកពីឆ្លងចរន្តអគ្គិសនីបង្កជាអគ្គិភ័យ។ អគ្គិភ័យនេះធ្វើឱ្យឆេះផ្ទះទំហំ ០៤ម៉ែត្រ X ២០ម៉ែត្រ នៅជាន់ទី០១ ខូចខាចម៉ាស៊ីនត្រជាក់ចំនួន ០២គ្រឿង, ទូរក្លាសេចំនួន ០១គ្រឿង និងសម្ភារប្រើប្រាស់មួយចំនួន ហើយពុំបានរាលដាលដល់អ្នកក្បែរខាងឡើយ។

នៅវេលាម៉ោង១៩:០០នាទីយប់ ថ្ងៃខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ ចំនួន ១០គ្រឿង ប្រេីប្រាស់ទឹកអស់ចំនួន ០៥ឡាន ស្មើរនឹង ២០ម៉ែត្រគូប, រថយន្តអគ្គិភ័យ OCIC ទីក្រុងកោះពេជ្រចំនួន ០២គ្រឿង ប្រើប្រាស់ទឹកអស់ចំនួន ០១ឡាន ស្មើនឹង ១២ម៉ែត្រគូប៕