មហាជនច្បាស់ជានៅចាំ អតីតតារាកំប្លែង ប្រចាំក្រុមកំប្លែងរបស់លោកពូក្រឹម គឺលោក ពូក្តឹប ដែលពេលនេះ តារាកំប្លែងនាយក្តឹប បាននិងកំពុងធ្លាក់ខ្លួនឈឺជាយូរមកហើយ រហូតបាត់មុខពីសិល្បៈសម្រាកព្យាបាលជំងឺនៅផ្ទះ ។

បើតាមការលើកឡើង របស់ លោក អ៊ឹម ជីវ៉ា បានឲ្យដឹងថា រហូតមកទល់ពេលនេះ ស្ថានភាពជំងឺរបស់ តារាកំប្លែងនាយក្តឹប កំពុងមានជំងឺស្លាប់មួយចំហៀងខ្លួន ស្របពេលដែលគ្រួសារក៏កំពុងជួបការលំបាក ។

ក្នុងពេលដែលលោក អ៊ឹម ជីវ៉ា យកថវិកាសប្បុរជនទៅប្រគល់ជូននាយក្តឹបនោះ នាយក្តឹប និងគ្រួសារនិយាយទាំងទឹកភ្នែកថា សុំសំណូមពរដល់ពុកម៉ែបងប្អូនជួយទិញផ្ទះគាត់ផង ដើម្បីអោយគាត់បានលុយ មកសងបំណុលគេបើមិនចឹងទេ គេមករឹបអូសផ្ទះលក់ឡៃឡុងមិនខាន ខណៈផ្ទះរបស់គាត់ គឺនៅខាងជើងវត្តខ្ទរ ស្ថិតក្នុងខណ្ឌជ្រោយចង្វារ រាជធានីភ្នំពេញ ៕