យោងតាមគណនី Facebook របស់តារាសម្តែងជើងចាស់ លោកពូ ជា សំនៀង បានបង្ហោះ កាលពីល្ងាចថ្ងៃសៅរ៍ ឲ្យដឹងថា តារាជើងចាស់ លោកតា រិទ្ធ សារី ដែលជាអតីតតារាភាពយន្តជើងចាស់ ដ៍មានប្រជាប្រិយភាព បាននិងកំពុងមានជំងឺ និងកំពុងសម្រាកព្យាបាលនៅមន្ទីរពេទ្យ ។

បើតាមគណនីហ្វេសប៊ុក តារាសម្តែងជើងចាស់ លោកពូ ជា សំនៀង ដែលជាអ្នកចែករំលែកអំពីដំណឹងនេះ ក៏ដូចជាអ្នកជួយអំពាវនាវដល់សប្បុរជន ដើម្បីឲ្យធ្វើការជួយឧបត្តម្ភដល់លោកតា តារាជើងចាស់ល្បីឈ្មោះរូបនេះ ខណៈលោកតាកំពុងខ្វះខាតថវិកា ក្នុងការព្យាបាល ស្របពេលដែលជំងឺប្រចាំកាយ ធ្វើទុក្ខ និងត្រូវការថវិកាដើម្បីព្យាបាលជំងឺ ។

លោកពូ ជា សំនៀង បានបញ្ជាក់ថា លោកបានព្យាយាមជួយ គាត់អស់លទ្ធភាពហើយ! ពេលនេះមានតែសូមលើកដៃសំពះសុំក្តីមេត្តាពីបងប្អូនដែលអាណិតស្រឡាញ់ដល់តារាជើងចាស់លោកតា រិទ្ធ សារី ដែលជាអតីតតារាភាពយន្តជើងចាស់ នេះផង ហើយនេះជាលេខទូរសព្ទ័របស់គាត់ 092.844.877 និងបានភ្ជាប់ជាមួយ ABA របស់តារាសម្តែងជើងចាស់ លោកពូ ជា សំនៀង ផងដែរ ៕