រាជធានីភ្នំពេញ ៖ មហាជនពិតជាស្គាល់ កញ្ញា គង់ ម៉ូនីកា ដែលជាតារាសម្តែងដ៍មានប្រជាប្រិយភាពក្នុងMVចម្រៀង ជាពិសេសបទ« ជូនអូនឡើងលើផ្លូវហាយវ៉េ» និងបទ «រាំគ្រលែងចង្កេះ» របស់លោកTempo ដែលមានរាងស្រលូនស្អាត ដើមទ្រូងមូលក្លំ អាយុ២៨ឆ្នាំ ដែលទស្សនិកជនចាប់អារម្មណ៍ខ្លាំងនោះ គឺនាងបានទទួលមរណភាពហើយ កាលពីវេលាម៉ោង ជិត១២ថ្ងៃត្រង់ ទី៦ ខែមិថុនា ឆ្នាំ២០២២ ។

បើតាមការឲ្យដឹងពីមិត្តជិតស្និទ្ធិ របស់ តារាសម្តែងកញ្ញា គង់ ម៉ូនីកា បានឲ្យដឹងថា ការស្លាប់របស់តារាស្រីរូបនេះ គឺបណ្តាលមកពី ការគាំងបេះដូង ដោយសារតែជំងឺមេរោគក្រពះរ៉ាំរ៉ៃ រួមទាំងការបរិភោគមិនទៀនទាត់ និងមិនគ្រប់គ្រាន់ ។

ប្រភពដដែលបានឲ្យដឹងទៀតថា មុនទទួលមរណភាព២ទៅ៣ថ្ងៃមុន តារាសម្តែងកញ្ញា គង់ ម៉ូនីកា ចេះតែមានអាការៈហត់ រួចក៏ទៅមន្ទីរពេទ្យ តែសុខភាព មិនទាន់បានស្រួលផង នៅព្រឹកថ្ងៃកើតហេតុនោះ កញ្ញា គង់ ម៉ូនីកា ក៏បានឡើងទៅវត្តភ្នំដើម្បីអុចធូបបួងសួងសុំសេចក្ដីសុខលុះត្រឡប់ទៅផ្ទះវិញ ក៏បានលេបថ្នាំមេរោគក្រពះ ទាំងមិនទាន់បរិភោគអីទាំងអស់ ហើយក៏យកផ្លែឈើមកញ៉ាំតាមក្រោយ ទើបជំងឺរើឡើង ទន់ដៃ ទន់ជើង ហើយដួល ស្លាប់តែម្តង ។

ពេលនេះ សាកសពរបស់ កញ្ញា គង់ មូលីកា បានតម្កល់នៅវត្តទួលអស់លោក ស្ថិតក្នុងភូមិ ក្រោលគោ សង្កាត់ គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ ដើម្បីធ្វើបុណ្យតាមប្រពៃណី ។ សូមចូលរួមរំលែកទុក្ខផង ៕