សិល្បៈ ៖ លោក ចែម ចាន់ដារា ហៅ ពែក មី ដែលជាតារាចម្រៀង និងជាតារាកម្លែងដ៏ល្បីល្បាញនៅកម្ពុជាបានទាក់ទាញការចាប់អារម្មណ៍ពីមហាជនមិនតិចនោះទេតាមរយៈទេព្យកោលសល្យសមត្ថភាពសម្តែងរបស់ខ្លួន ដែលមិនត្រឹមតែអាចឲ្យមហាជនផ្ទុះសំណើចតាមរយៈការសម្តែងទេ សូម្បីសារមួយឃ្លាដ៏ខ្លីក៏លោកអាចឲ្យមហាជនផ្ទុះសំណើចដែរ ក្រោយការដុះចេញពីទ្រនំរបស់CTN ដែលលោក តែងតែអះអាងថា ជាផ្ទះរបស់គាត់ ដែលផ្តល់កំណើតនិងធ្វើឲ្យលោកមានភាពល្បីល្បាញមកទល់សព្វថ្ងៃនេះ ។

ជាក់ស្តែងថ្មីៗនេះ នៅលើបណ្តាញសង្គម ស្រាប់តែមានការភ្ញាក់ផ្អើល ខណៈតារាកំប្លែង លោក ចែម ចាន់ដារា ហៅ ពែក មី បានឡាយផ្ទាល់ នឹងឆ្លើយតបទៅនឹងសំណួររបស់ហ្វេន កាលពីថ្ងៃទី១៣ ខែមិថុនា ឆ្នាំ២០២២ បញ្ជាក់ថា លោកប្រហែលជានឹងឈប់លេងកំប្លេងនៅ CTN ទៀតហើយ ព្រោះអ្នកគ្រប់គ្រងថ្មី ដែលជាជនជាតិឥណ្ឌា បានដកលោកចេញពីកម្មវិធី «បាទមេ វគ្គ២» ហើយលុបចោលការសម្តែង និងដកលោកចេញតែម្តង ។ ដូច្នេះលោកប្រហែលត្រូវប្រើជីវិតរស់នៅខេត្តស្វាយរៀង ធ្វើវីដេអូកំផ្លុក កំប្លែងឲ្យបងប្អូនសើចតាមបណ្តាញសង្គម ។

ជុំវិញការលើកឡើងនេះ តារាកំប្លែង លោក ពាក់មី ក៏បានបញ្ជាក់ថា CTN នៅតែជាផ្ទះរបស់លោក ប៉ុន្តែលោកមិនពេញចិត្តនឹងអ្នកដឹកនាំថ្មី ជនជាតិឥណ្ឌា ដែលគៀបសង្កត់ពេក តឹងរឹងពេក ដែលចូលចិត្តSave បុគ្គលិក ដូច្នេះខ្ទង់ខែកក្កដា ដើមខែ នឹងមានការចេញជាក្រដាសស្នាមស្របច្បាប់ ប្រកាសពីការចាកចេញពីCTN ហើយការចាកចេញនេះ មិនមែនមានតែលោកម្នាក់ទេ គឺមានទាំង នាយគ្រឿន លោកតាវិចទ័រ នាយក្រូច ផងដែរ ៕